بھر پور فیس وصول کی جاتی ہے تاہم بجلی کی سپلائی کی پرانی روایت ابھی تک ختم نہیں ہورہی /صارفین
سرینگر/11نومبر/سی این آئی/ بجلی کی بنا شیڈول کٹوتی سے پریشان جنوبی کشمیر کے کئی علاقوں کے صارفین اب خراب ٹرانسفارمروں کی مرمت میں تساہل برتنے کے خلاف سراپا احتجاج ہیں۔بجلی کی بنا شیڈول کٹوتی سے عام صارفین سخت پریشانی میں مبتلاء ہوگئے ہیں۔کرنٹ نیوز آف انڈیا نمائندے کے مطابق جنوبی کشمیر کے مختلف علاقوں میں بجلی کی عدم دستیابی کی وجہ سے لوگوں کو زبردست مشکلات کاسامنا کرنا پڑ رہا ہے اور لوگ بنا شیڈول کے کٹوتی سے پریشان حال ہیں ۔پلوامہ کے ایک تاجر محمد شبیر نے کہاکہ محکمہ بجلی نے اس علاقے کو سخت پریشانی میں مبتلاء کردیا ہے۔پہلے بلا شیڈول بجلی کٹوتی ایک معمول ہے اور اب کئی روز سے خراج ہوئے ٹرانسفارمر کی مرمت نہیں کی جارہی ہے۔انہوں نے کہاکہ آئے روز بجلی کی ناقص سروس نے بے حال کردیا ہے اور علاقے میں تجارتی سرگرمیاں بھی بری طرح متاثر ہورہی ہیں۔مقامی تاجر ذمہ دار شوکت احمد نے بتایا کہ علاقے میں بجلی کی ناقص صورتحال کی شکایات کے بارے میں متعلقہ افسران بخوبی واقف ہیں لیکن کوئی بھی توجہ نہیں دی جارہی ہے۔شوکت احمد کے مطابق انتظامیہ کی طرف حکام کی بے توجہی بہت زیادہ بڑھ گئی ہے۔اور اسی وجہ سے آج مقامی لوگ اور تاجر دھرنا دینے پر مجبور ہوگئے ہیں۔دریں اثناء اننت ناگ کے دیگر علاقوں سے بھی بجلی کی خراب صورتحال کے بارے میں اطلاعات موصول ہورہی ہیں۔ایک مقامی کے محمد اسلم کا کہنا ہے کہ محکمہ بجلی میٹراور غیر میٹر یافتہ علاقوں میں بجلی کٹوتی میں کوئی تفریق نہیں کرتے ہیں اور من مانے طریقوں سے بجلی کی سپلائی جاری رکھی جارہی ہے جس سے عام لوگ مختلف مسائل کے شکار ہورہے ہیں۔انہوں نے کہاکہ میٹروں کی تنصیب سے اگرچہ محکمہ بھر پور فیس وصول کرنے کا اہل ہوا ہے تاہم بجلی کی سپلائی کی پرانی روایت ابھی تک ختم نہیں ہورہی ہے
Comments are closed.