جموں کشمیر میں 4Gانٹر نیٹ کی بحالی ، عدالت عظمیٰ میں معاملے کی ہوئی سماعت

سرینگر/21اپریل: جموں کشمیر میں تیز رفتار موبائیل انٹر نیٹ کی بحالی کو لیکر عدالت عظمیٰ نے مرکزی و جموں کشمیر سرکار کو 27 اپریل تک اپنا تفصیلی موقف رکھنے کی ہدایت دیتے ہوئے معاملے کی اگلی سماعت سوموار کو مقرر کی ۔ سی این آئی مانیٹرنگ کے مطابق جموں کشمیر میں تیز رفتار 4Gموبائیل انٹر نیٹ خدمات کی بحالی کیلئے سپریم کورٹ میںمفادعامہ کے تحت دائر کی گئی عرضی کی سماعت ہوئی ۔ جس دوران سپریم کورٹ نے کورونا وائرس وبا پر ملک گیرلاک ڈاون کے پیش نظر جموں وکشمیر میں 4جی انٹرنیٹ سروس دستیاب کرانے سے متعلق عرضیوں پر منگل کو مرکزی حکومت کا موقف جاننا چاہا۔معلوم ہوا ہے کہ عدالت عظمی میں جج این وی رمن، جج آر سبھاش ریڈی اور جج بی آر گوئی پر مشتمل بنچ نے تین عرضیوں پر مشترکہ سماعت کے دوران مرکز سے27 اپریل تک اپنا تفصیلی موقف رکھنے کے لئے کہا۔شنوائی کے دوران عدالت عظمیٰ کو بتایا گیا کہ 4جی انٹر نیٹ سروس کی عدم موجودگی کے سبب جموں کشمیر کے طالب علموں کو تعلیمی سرگرمیاں جاری رکھنے میں کافی دشواریوں کا سامنا کرنا پڑ رہا ہے، جو پورے ملک کی طرح آن لائن کلاسز میں حصہ لینے کیلئے مجبور ہیں جبکہ موجودہ طبی بحران کی وجہ سے بھی ڈاکٹروں اور نیم طبی عملے کو عملے مشکلات کا سامنا کرنا پڑ رہا ہے۔دوسری طرف عدالت عظمیٰ کو یہ بھی بتایا گیا کہ جموں کشمیر کے اندر عسکریت کی موجودگی کے سبب کافی پیچیدہ مسائل موجود ہیں اور4جی انٹر نیٹ سروس معطل رکھنے کا معاملہ ملک کی حفاظت سے تعلق رکھتا ہے۔عدالت نے طرفین کے دلائل سننے کے بعد مرکز اور جموں کشمیر سرکاروں کو بتایا کہ وہ اس سلسلے میں اپنا نقطہ نگاہ27اپریل تک عدالت کے سامنے رکھی۔