سرینگر/28جون/// شوپیان کے بعد سرینگر کے ملورہ ایچ ایم ٹی علاقے میں فوج و فورسز اور جنگجوئوں کے مابین جاری تصادم آرائی میں سی آر پی ایف کا سب انسپکٹر زخمی ہو گیا ہے جس کو علاج و معالجہ کیلئے اسپتال منتقل کر دیا گیا ۔ پولیس نے جھڑپ کی تصدیق کرتے ہوئے بتایا کہ علاقے میں دو سے تین جنگجو محصور ہے اور جھڑپ جاری ہے جبکہ آپریشن ختم ہونے کے بعد ہی صورتحال واضح ہو گی ۔ سی این آئی کے مطابق سرینگر کے مضافاتی علاقہ ملورہ میں دو سے تین جنگجوئوں کی موجودگی کی اطلاع ملنے کے بعد فوج ، سی آر پی ایف اور جموں کشمیر پولیس نے مشتر کہ طور سوموار کے دوپہر علاقے کو محاصرے میںلیا ۔ ذرائع سے معلوم ہوا ہے کہ جونہی علاقے میں تلاشی آپریشن شروع کر دیا گیا تو وہاں چھپے بیٹھے جنگجوئوں نے فرار ہونے کی کوشش میں فورسز پر فائرنگ کی جس کے ساتھ ہی علاقے میں دو بددو جھڑپ شروع ہوئی ۔ ذرائع کے مطابق اسی دوران فورسز کی اضافی کمک علاقے کی جانب روانہ کی گئی جنہوں نے پورے علاقے کو سیل کر دیا اور جنگجوئوںکے فرار ہونے کے تمام راستے سیل کر دئے گئے ۔ذرائع کے مطابق ابتدائی جھڑپ کے ساتھ ہی علاقے میں شدید گولیوں کا تبادلہ ہواور علاقے کو مکمل طور پر سیل کیا گیا تاکہ جنگجو ئوں کو فرار ہونے کا موقعہ نہ ملا ۔ ذرائع کے مطابق ابتدائی فائرنگ میں سی آر پی ایف کا ایک سب انسپکٹر زخمی ہو گیا جس کو علاج و معالجہ کیلئے منتقل کر دیا گیا ہے ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ فورسز نے جنگجوئوں کے چھپے ہونے کے بارے میں ایک مصدقہ اطلاع ملنے کے بعدملورہ علاقے کو محاصرے میں لیکر تلاشی آپریشن شروع کیا جس کے دوران طرفین کا آمنا سامنا ہوا اور انہوں نے ایک دوسرے پر گولیاں چلائیں۔جس کے ساتھ ہی علاقے میں جھڑپ شروع ہوئی ۔ انہوں نے کہا کہ علاقے میں جھڑپ جاری ہے اور تمام صورتحا ل آپریشن ختم ہونے کے بعد ہی واضح ہو جائے گی ۔ سی این آئی
Comments are closed.