سرینگر/27جون/:معاشرے سے منشیات کے خاتمے کے لئے اپنی کوششوں کو جاری رکھتے ہوئے ، پولیس نے کولگام میں دو منشیات فروشوں کو گرفتار کیا ہے اور اس کے قبضے سے ایک کونئٹل ممنوعہ مادہ برآمد کیا ہے۔سی این آئی کے مطابق پولیس اسٹیشن کولگام نے اوکی علاقے میں ناکہ چیکنگ کے دوران ایک الٹوگاڑی زیر نمبر JK18-9565 کو رو ک لیا جس میں دو افراد سوار تھے۔ ان کی شناخت شاہد احمد زرگر ولد بشیر احمد زرگر اور رفیق احمد بٹ ولد عبدالغفاربٹ ساکن اوکی کولگام کے طور پر ہوئی ہے۔ چیکنگ کے دوران مذکورہ گاڑی سے ایک کوئنٹل خشخاش پوست کا بھوسہ برآمد کرلیا۔ انہیں گرفتار کرکے پولیس اسٹیشن منتقل کردیا گیا ہے جہاں وہ زیر حراست ہیں۔ جرائم کے کمیشن میں استعمال ہونے والی گاڑی بھی قبضے میں لے لی گئی ہے۔ابتدائی پوچھ گچھ کے دوران ، انھوں نے ایک اور شخص کی شمولیت کا انکشاف کیا جس کی شناخت محمد اسحاق شیخ ولد محمد رمضان شیخ ساکن اوکی کولگام کے نام سے ہوئی ہے۔ تفتیش کے دوران ، افسران نے اوکے میں محمد اسحاق شیخ کے مکان پر چھاپہ مارا اور مذکورہ مکان سے دو پیسنے والی مشینیں ، ایک ڈیجیٹل وزن والی مشین اور ایک جینسیٹ برآمد کیا۔ تاہم ، ملزم گرفتاری سے روپوش ہے اور اس کی گرفتاری کے لئے کوششیں جاری ہیں۔ کمیونٹی ممبران سے گزارش ہے کہ وہ اپنے پڑوس میں منشیات فروشوں سے متعلق کسی بھی معلومات کے ساتھ آگے آئیں۔ منشیات کی خریداری میں ملوث افراد کے خلاف قانون کے مطابق کارروائی کی جائے گی۔
Comments are closed.