ایک طرف آئی پی ایل کا کھیل ، انتخابات اور ایگزٹ پول پر بحث و مباحثہ؛ دوسری طرف ملک میں کوروناوائرس کے معاملات میں اضافہ اور موت کا تانڈو

سرینگر/30اپریل: ملک میں کوروناوائرس کے مثبت معاملات میں اضافہ ہونے کے باوجود بھی آئی پی ایل چلتا رہا اورانتخابات بھی جاری رہے جبکہ ٹیلی ویژن چینلوں پر ایگز پول اور بحث و مباحثے بھی ہوتے رہے ۔ جبکہ گزشتہ روز بھارت میں 35ہزار سے زائد اموات ہوئی جن میں سے صرف دلی میں 395افراد کی موت واقع ہوئی ۔ اس سب کے باوجود بھی سرکار انتخابات اور کھیل کود کی سرگرمیوں میں لگی رہے ۔ کرنٹ نیو زآف انڈیا کے مطابق ہندوستان میں کورونا کا قہر جاری ہیاور ہر روز کورونا کے نئے معاملوں میں اضافہ ہو رہا ہے۔کل یعنی جمعرات کو کورونا کے نئے معاملوں کی تعداد تین لاکھ 86 ہزار سے زیادہ رہی اور اس وبا سے مرنے والوں کی تعداد 35 ہزار سے زیادہ رہی۔ کل صحت یاب ہونے والے مریضوں کی تعداد 2,97,540 رہی جو متاثر ہونے والے مریضوں کی تعداد سے بہت کم تھی اور یہ پہلو تشویش کا ہے۔واضح رہے جس دن کے یہ اعداد و شمار ہیں اس دن بھی ہندوستان میں آئی پی ایل کے مقابلہ ہوتے رہے، اس دن بھی اتر پردیش میں پنچایت انتخابات کے لئے ووٹنگ ہوتی رہی اور اس دن شام کو دہلی کے ٹی وی چینلوں پر پانچ ریاستوں میں ہوئے ایگزٹ پول پر مباحثوں کے پروگرام ہوتے رہے۔ کل اکیلے دہلی میں کورونا سے مرنے والوں کی تعداد 395 رہی۔زیادہ تر بڑے شہروں میں مریضوں کے لئے جہاں اسپتال اور آکسیجن دستیاب نہیں ہیں وہیں میتوں کی آخری رسومات ادا کرنے کیلئے لمبی لمبی لائنیں لگ رہی ہیں اور بہت سے شمشان گھاٹ میں انتظام کو صحیح رکھنیکیلئے مرنیوالوں کیعزیزوں کو ٹوکن دئے جارہے ہیں۔دہلی میں کل کورونا کے نئے معاملوں کی تعداد24235 رہی اور مرنیوالوں کی 395 رہی۔ واضح رہے24 گھنٹوں کے دوران دہلی میں 73,851کورونا ٹیسٹ ہوئے اور پازیٹو ہونے کی شرح 32.82فیصد رہی۔