کورناوائرس میں مبتلاء مریضوں کی تعداد میں روزافزوں اضافہ ؛ صدر ہسپتال میں آکسیجن بردار بیڈوں کی کمی ، ہسپتال کی او پی ڈی کو بھی بند کیا گیا

سرینگر/17اپریل: کوروناوائرس کے مریضوں میں مبتلاء مریضوں کی بڑھتی تعداد کے پیش نظر ایس ایم ایچ ایس ہسپتال کے او پی ڈی کو بند کردیا گیا ہے جہاں پر متعد د وارڈوں کو صرف کووڈ مریضوں کیلئے مخصوص رکھا گیا ہے ۔ تاہم شعبہ ایمرجنسی میں کام چالو رہے گا۔ اس دوران معلوم ہوا ہے کہ ہسپتال میں آکسیجن بردار بیڈوں اور آئی سی یو کی کمی سے عملہ کو مریضوں کے علاج میں دشواریاں پیش آرہی ہے ۔کرنٹ نیوز آف آف انڈیا کے مطابق کورونا وائرس معاملوں میں تیزی سے اضافہ کے پیش نظر انتظامیہ نے سرینگر کے صدر اسپتال یعنی ایس ایم ایچ ایس کا او پی ڈی شعبہ بند کیا ہے۔ انتظامیہ کے فیصلے کے مطابق اسپتال میں تاہم ایمر جنسی نوعیت کی جراحیاں انجام دی جائیں گی۔ذرائع کے مطابق اس ضمن میں فیصلہ پرنسپل گورنمنٹ میڈیکل کالیج سرینگر کی صدارت میں منعقدہ میٹنگ میں گذشتہ شام لیا گیا۔میٹنگ میں فیصلہ لیا گیا کہ او پی ڈی شعبہ کو فی الحال بند کیا جائے اور صرف ایمرجنسی نوعیت کے بیماروں کو ہی اسپتال میں داخل کرایا جائے۔میٹنگ میں اسپتال میں کورونا بیماروں کی بڑھتی تعداد کو مد نظر رکھتے ہوئے ڈاکٹروں اور نیم طبی عملے کے ڈیوٹی روسٹر پر بھی غور کیا گیا۔میٹنگ میں اسپتال کے وارڈ نمبرات2,3A,4,18,19,20،ڈرگ اڈکشن مرکز،پیڈ کمروں کو کووڈ وارڈوں میں تبدیل کرنے کا فیصلہ کیا گیا۔میڈیکل سپر انٹنڈنٹ ایس ایم ایچ ایس ڈاکٹر نذیر چودھری کے مطابق اسپتال کے260بستروں کو کووڈ بستر قرار دیا گیا ہے۔انہوں نے مزید کہا کہ اسپتال میں بیماروں کا رش کافی حد تک بڑھ گیا ہے۔ادھر معلوم ہوا ہے کہ ہسپتال میںآکسیجن بردار بیڈوں اور آئی سی یو کی کمی سے وہاں پر صورتحال انتہائی خراب بنی ہوئی ہے جس کے نتیجے میں ہسپتال عملہ کو صورتحال سے نمٹنے اور مریضوں کے علاج میں دشواریاںپیش آرہی ہے ۔