انٹرنیشنل اسلامک سکول اور سوشل فارسٹری کی جانب سے شجر کاری مہم

سرینگر/31مارچ//انٹرنیشنل اسلامک سکول کی جانب سے محکمہ سوشل فارسٹری رینج بڈگام کے اشتراک سے آج پلانٹیشن ڈرائیور کا انعقاد کیا گیا ۔ شجر کاری انٹرنیشنل اسلامک سکول کے احاطے میں انجام دی گئی جہاں پر مختلف اقسام کے پودے لگائے گئے ۔تفصیلات کے مطابق انٹرنیشنل اسلامک سکول اور سوشل فارسٹری کے باہمی اشتراک سے آج سکول احاطے میں شجر کاری کی گئی جس میں مختلف اقسام کے پودے لگائے گئے جن میں کئی نامور اور نایاب درخت بھی شامل ہے ۔ اس تقریب میں متعدد اشخاص نے شجر کاری کی اہمیت پر مفصل روشنی ڈالی ۔

شجر کاری کی اس تقریب میں طلبہ سکول سٹاف کے علاوہ متعدد شخصیات بھی موجود تھیں جن میں پرائیویٹ سکول ایسوسی ایشن کے صدر ڈاکٹر جی این وار، تحصیلدار عمران احمد بٹ، ایگزکیٹو مجسٹریٹ مشتاق احمد ، رینج آفیسر بڈگام سوشل فارسٹری طارق احمد بٹ ، سیکریٹری بورڈ آف ڈائریکٹورس انٹرنیشنل اسلامک سکول شوکت ایچ مرکز ا ، الطاف حسین بٹ، تنویر احمد راتھر ، ظہور احمد خان، بلاک آفیسر بڈگام سوشل فارسٹری جی ایم بٹ، بلاک آفیسر چاڈورہ محمد لطیف ، بلاک آفیسر خانصاحب محمد یعقوب شامل تھے ۔ تقریب میں مہمانوں کا والہانہ استقبال سکول پرنسپل کی جانب سے کیا گیا ۔اس موقعے پرموجود زی عزت شخصیات، سکول سٹاف ، طلبہ اور محکمہ کے افسران نے پودے لگائے جبکہ تقریب میں کووڈ19کی گائڈ لائنوں پر بھی مکمل عمل درآمد کیاگیا ۔ اس موقعے پر سکول ایسوسی ایشن کے صدر ڈاکٹر جی این وار نے شجر کاری مہم کی ضرورت پر زور دیتے ہوئے کہا کہ ماحولیات کے توازن کو برقرار رکھنے اور ماحولیاتی آلودگی کوکم کرنے کےلئے زیادہ سے زیادہ پودے لگائے جائیں ۔ انہوںنے کہا کہ وادی کشمیر میں جنگلات کو کافی نقصان پہنچایا گیا ہے جس کی برپائی لازمی ہے ۔ اس دوران دیگر شخصیات نے بھی پلانٹیشن ڈرائیوکی اہمیت اور افادیت کو اُجاگر کرتے ہوئے کہا کہ گلوبل وارمنگ کے بڑھتے خطرات کے پیش نظر ہماری یہ ذمہ داری بنتی ہے کہ ہم زیادہ سے زیادہ پودے لگائیں تاکہ ماحولیات کو مزید خطرہ نہ ہو۔