بھارت اپنے ہمسایہ ممالک کے ساتھ بہترین تعلقات کاحامی؛ پاکستان نتیجہ خیز مذاکرات چاہتا ہے تو ماحول کو ساز گار بنانا ہوگا / بھارت

سرینگر/17مارچ: بھارت پاکستان کے ساتھ تمام معاملات کو بات چیت کے ذریعے حل نکالنے کی خواہش رکھتا ہے کی بات کرتے ہوئے بھارتی خارجہ سیکرٹری ہرش وردھن نے کہا کہ اگر پاکستان چاہتا ہے کہ بھارت کے ساتھ نتیجہ خیز مذاکرات ہو تو انہیں اس کیلئے ماحول کو ساز گار بنانا ہوگا ۔سی این آئی مانیٹرنگ کے مطابق نئی دہلی میںتھن ٹھنک سے خطاب کرتے ہوئے مرکزی وزرات خارجہ کے ترجمان ہرش وردھن کا کہنا ہے کہ بھارت اپنے ہمسایہ ممالک کے ساتھ بہترین تعلقات کی حامی ہے ۔انہوں نے کہا کہ پاکستان ہو یا بنگلہ دیش یا چین ہو سبھی ممالک کو بھارت کی خودمختاری کا احساس کرکے ہی بات چیت کیلئے ماحول سازگار کرنا ہوگا ۔انہوں نے کہا کہ بھارت پڑوسی ممالک بشمول بنگلہ دیش اور پاکستان کے ساتھ تعلقات کا نیا دور شروع کرنا چاہتا ہے جس میں امن کیلئے کوشیش کی جاسکتی ہیں تاہم انہوں نے خبردار کیا کہ مذاکرات اور تشدد ایک ساتھ چل نہیں سکتے اور نہ ہی مذاکرات تشدد آمیز ماحول میں کئے جاسکتے ہیں ۔مرکزی وزیرنے کہا کہ پاکستان کو پہلے سرحدوں پر ماحول کو سازگار بناکر پھر بات چیت ہوسکتی ہے ورنہ بھارت اتنا کمزور نہیں کہ وہ دیکھتا رہے ،ہم اینٹ کا جواب پتھر سے دے سکتے ہیں مگر تببھی ہم صبر سے کا م لیتے ہیں ۔انہوں نے کہا بھارت ایسے کاموں میں سنجیدہ ہے کہ مسائل کو ایڈریس کیا جائے کیونکہ ہم اپنے پڑوسی ممالک کے ساتھ امن مذاکرات کو جارے رکھنے کیلئے تیار ہیں ۔پڑوسی ممالک سے بھی مثبت ردعمل ملنا لازمی ہے ۔بھارت پاکستان کے ساتھ بھی ایک نئے دور کا آغاز چاہتا ہے کہ دونوں ممالک کو نہایت ہی نیک نیتی اور سنجیدگی سے قدم اٹھانے ہونگے مزید ان کا کہنا تھا کہ ہم چاہتے ہیں کہ سورتحال کو بہتر بنانے کیلئے پہلے بات چیت کو راستے کو ہی اپنایا جائے تاکہ صورتحال کو بہتر بنایا جاسکے۔