پیر پنچال کے آر پار خراب موسمی صورتحال بدستور جاری ،موسم بہار میں احساس سرما

میدانی علاقوں میں جم کر ہوئی موسلادار بارشیں ، بالائی علا قوں میں تازہ برفباری

سرینگر/11مارچ: پیر پنچال کے آر پار گزشتہ دنوں سے جاری خراب موسمی صورتحال کے چلتے جمعرات کو بھی شہر سرینگر سمیت وادی کے مختلف میدانی علاقوں میں موسلا دار بارش ہوئی جبکہ بالائی علاقوںمیں ہلکی برفباری دیکھنے کو ملی ۔ہلکی برفباری اور مسلسل بارشوں کے نتیجے میں درجہ حرارت میں کافی کمی واقع ہوئی ہے جس کے نتیجے میں پوری وادی کو سردی نے اپنی لپیٹ میںلیا ۔ ادھر محکمہ موسمیات نے آئندہ 3دنوں تک موسمی صورتحال جوں کی توں رہنے کی پیشگوئی کرتے ہوئے کہا کہ مطلع ابر آلود رہنے کے ساتھ ساتھ وادی کشمیر کے چند ایک مقامات پر گرج چمک کے ساتھ میدانی علاقوں میں بارشوںجبکہ بالائی علاقوں میں برفباری کا امکان ہے ۔ سی این آئی کے مطابق پیر پنچال کے آر پار گزشتہ کئی دنوں سے خراب موسمی صورتحال جاری ہے جس دوران بدھ اور جمعرات کی درمیانی رات سے موسمی صورتحال میں ایک مرتبہ پھر تبدیلی آئی اور تازہ بارشوں کا سلسلہ شروع ہوا ۔ شہر سرینگر سمیت وادی کے دیگر میدانی علاقوں میں دن بھر موسلادار بارش ہوئی جبکہ بالائی علاقوں میں ہلکی برفباری دیکھنے کو ملی جس کے نتیجے میں وادی میں ایک مرتبہ پھر سردی میں اضافہ ہوا۔ ادھر سرینگر میں آج دن کا زیادہ سے زیادہ درجہ حرارت 6ڈگری ریکارڈ کیاگیا جبکہ گذشتہ شب کا کم سے کم درجہ حرارت 5ڈگری رکارڈ کیا گیا ہے ۔ محکمہ موسمیات کے ترجمان کے مطابق مغربی ہوائیں جموں و کشمیر کے حدود میں داخل ہو گئی ہیں جس کے نتیجے میں بارشوںکی وجہ سے درجہ حرارت میں کمی ہوئی ۔واضح رہے کہ گذشتہ روز محکمہ موسمیات نے ایک مرتبہ پھر وادی کشمیر میں مطلع ابر و آلود رہنے کے ساتھ ساتھ میدانی علاقوں میں بارشیں اور بالائی علاقوں میں برفباری ہونے کی پیشنگوئی کی تھی۔ممحکمہ موسمیات کے صوبائی ناظم سونم لوٹس کا کہنا ہے کہ مارچ کا مہینہ مجموعی طور پر وادی کشمیر میں بارشوں کا سیزن ہوتا ہے۔انہوں نے کہا کہ مارچ کے مہینے میں ہونے والی بارشوں سے عام لوگوں کو گھبرانے کی کوئی ضرورت نہیں ہے۔تاہم انہوں نے کہا ہے کہ باغبانی شعبے سے وابستہ افراد کو خبردار رہنے کی ضرورت ہے۔ادھر بارشوں کے ساتھ ساتھ گلمرگ ، ٹنگمرگ اور شوپیان کے کئی علاقوں میں تازہ برفباری ریکارڈ کی گئی ۔ بتایا جاتا ہے کہ شہر آفاق گلمرگ میں شام سے ہی تازہ برفباری کا سلسلہ شروع ہوا جو جمعرات کو دن بھر وقفے وقفے سے جاری تھا ۔ جبکہ جمعرات کے بعد دوپہر شوپیان کے کئی علاقوں میں بھی تازہ برفباری ریکارڈ کی گئی ۔ ادھر جنوبی کشمیر سے نمائندے سے اطلاع دی ہے کہ دن بھر موسم ابر آلود رہنے کے نتیجے میں سردی کی لہر جاری رہے تاہم وقفے بعض اوقات بارشیں بھی ہوئی جو تم جم کی تھی اور کسی بھی جگہ سے خاصی بارشوں کی کوئی اطلاع موصول نہیں ہوئی ۔ اس دوران سرینگر سمیت کئی قصبہ جات میں ہلکی سے درمیانہ جبکہ کچھ ایک جگہوں پر موسلا دھاربارشیں ہوئیںاْس پار پیر پنچال پہاڑی سلسلے کے ساتھ ساتھ بدھل راجوری ، گلبرگ، مہور، بھدرواہ،ڈوڈہ، مہو ،منگت،کشتواڑ، چھاترو، مڑوا، دچھن اور بنی کے علاوہ ویشنو دیوی مندر کی مضافاتی پہاڑیوں پر تازہ برفباری کی اطلاعات موصول ہوئی ہیں۔دریںاثناء محکمہ موسمیات نے بتایا کہ وادی میںآنے واے 24 گھنٹوں کے دوران مطلع ابر آلود رہنے کا امکان ہے اور اس دوران بارشیں اور برفباری بھی ہوسکتی ہے۔محکمہ کے مطابق بالائی علاقوں میں تازہ برفباری اور میدانی علاقوں میں ہوئی بارشوں کے باعث دن میںسردی کی شدت میں اور رات کے کم سے کم درجہ حرارت میں اضافہ متوقع ہے ۔ یہاں یہ بات قابل ذکر ہے کہ گزشتہ برس مارچ کے مہینے میں ہوئی بارشوں کے نتیجے میں ندی نالوں میں پانی کی سطح کا فی بڑھ گئی تھی اور وادی میں سیلابی صورتحال پیدا ہوگئی۔ ادھر محکمہ موسمیات نے آئندہ 3دنوں تک موسمی صورتحال جوں کی توں رہنے کی پیشگوئی کرتے ہوئے کہا کہ مطلع ابر آلود رہنے کے ساتھ ساتھ وادی کشمیر کے چند ایک مقامات پر گرج چمک کے ساتھ میدانی علاقوں میں بارشوںجبکہ بالائی علاقوں میں برفباری کا امکان ہے ۔