پاک بھارت کشیدگی خطے میں امن کیلئے خطرے کا باعث ہوسکتی ہے / ایران

تمام مسائل کا حل نکلانے کیلئے دونوں ممالک کو مل بیٹھ کر بات چیت کرنے کی ضرور ت ، ثالثی کیلئے تیار

سرینگر/21فروری: پاکستان اور بھارت کے درمیان کشیدگی پر تشویش کا اظہار کرتے ہوئے ایرانی وزیر خارجہ نے زور دیا ہے کہ کشمیری عوام کی امنگوں اور احساسات کی قدر کی جائے ۔ انہوں نے کہا کہ ہند پاک کے مابین بڑھتی کشیدگی پورے خطے میں امن و امان کے لیے خطرے کا باعث ہوسکتی ہے اور ایران کشیدگی کے خاتمہ کیلئے ثالثی کیلئے تیار ہے ۔ سی این آئی مانیٹرنگ کے مطابق پریس ٹی وی کے ساتھ ایک خصوصی انٹرویو میںایرانی وزیر خارجہ محمد جاواد ظریف نے کہا کہ ایران ہند پاک کے درمیانی سرحدی کشیدگی پر متفکر ہے اور تمام مسائل کا حل نکلانے کیلئے دونوں ممالک کو مل بیٹھ کر بات چیت کرنے کی ضرور ت ہے ۔ انہوں نے کہا کہ کشمیر میں انسانی حقوق کا ہرصورت احترام کیا جانا چاہیے، نہ صرف کشمیر بلکہ پوری دنیا میں انسانیت کا احترام کیا جانا چاہیے، انسانی حقوق کمشنر کی دو رپورٹس میں کشمیر میں انسانی حقوق کی صورتحال کی مکمل عکاسی ہے۔انہوں نے کہا کہ سرحدی کشیدگی کو لیکر بھی ہند پاک کے مابین کافی تنائو ہے اور ہم چاہتے ہیں کہ اس تنائو کا جلد از جلد خاتمہ ہو جائیں ۔ ظریف نے کہا کہ ہم دونوں ممالک کے ساتھ رابطے میںہے اور ہم نے ہمیشہ اس بات پر زور دیا ہے کہ کشمیری میں انسانی حقوق کی قدر کی جائے جبکہ کشمیری عوام کے احساسات اور امنگوں کی قدر کی جائے ۔ انہوںنے کہا کہ ایران یہ چاہتا ہے کہ دونوں ممالک کشیدگی اور تنائو کے خاتمہ کیلئے مل کر کام کریں تاکہ خطے میں امن قائم ہو سکے اور اس کیلئے ایران بھی ایک تعمیر ی رول ادا کرنے کیلئے تیار ہے ۔ انہوں نے کہا کہ ہند پاک کے مابین بڑھتی کشیدگی پورے خطے میں امن و امان کے لیے خطرے کا باعث ہوسکتی ہے اور ہم چاہتے ہیں کہ اس کشیدگی کا خاتمہ ہو جائیے ۔