درجہ حرارت می بہتری ، کھلی دھوپ نکلنے سے دن میں بہار جیسا احساس ، لوگوں نے لی راحت کی سانس

آئندہ دس دنوں تک موسم مجموعی طور پر خشک رہے گا ، دن کے درجہ حرارت میں بہتری آسکتی ہے /محکمہ موسمیات

سرینگر/12فروری: جموں و کشمیر اور لداخ میں درجہ حرارت میں بہتری آنے کے بعد جمعہ کے روز جموں میں صبح سویرے گھنے دھند کی وجہ سے تمام تر سرگرمیاں متاثر ہوگئی ہیں۔جموں میں گہری دھند ہونے کی وجہ سے معمولات زندگی متاثر ہوگئی ہے۔ اسی دوران شہر آفاق گلمرگ او ر پہلگام کو چھوڑ کر وادی کے تمام علاقوں میں شبانہ درجہ حرارت میں قابل قدر بہتری ریکارڈ کی گئی جس کے نتیجے میں اہلیان وادی نے راحت کی سانس لی ۔ادھر محکمہ موسمیات نے آئندہ 10 دنوں کے دوران خشک موسم کی پیشنگوئی کی ہے اور درجہ حرارت میں مزید اضافے کا امکان ہے۔ سی این آئی کے مطابق دن میں کھلی دھوپ نکالنے کے باعث وادی کشمیر میں بہار جیسے موسم سے لوگوں میں خوشی کی لہر لوٹ آئی ہے۔ شہر سرینگر سمیت وادی کے دیگر اضلاع میں درجہ حرارت کافی بہتر ہو گیا ہے ۔محکمہ موسمیات کے مطابق گرمائی دارلحکومت سرینگر میں جمعہ کی رات کم سے کم درجہ حرارت منفی 0.6 ڈگری سینٹی گریڈ ریکارڈ کیا گیا۔بتادیں کہ قبل ازیں سرینگر میں رواں سیزن کے دوران 14 جنوری کو سرد ترین رات درج ہوئی تھی جب کم سے کم درجہ حرارت منفی 8.4 ڈگری ریکارڈ ہوا تھا اور سردیوں کا پچیس سالہ پرانا ریکارڈ ٹوٹ گیا تھا۔وادی کے مشہور دہر سیاحتی مقام گلمرگ میں کم سے کم درجہ حرارت منفی 2.4 ڈگری سینٹی گریڈ جبکہ وادی کے دوسرے مشہور سیاح مقام پہلگام میں کم سے کم درجہ حرارت منفی 4.6 ڈگری سینٹی گریڈ ریکارڈ ہوا ہے۔وہیں جموں شہر میں کم سے کم درجہ حرارت 9.8 ، کٹرا میں 10.5 ، بٹوت میں 6.6 ، بنیہال 3.2 اور بھدرواہ 2.7 ڈگری سینٹی گریڈ ریکارڈ کیا گیا۔لداخ کے لیہہ قصبے میں کم سے کم درجہ حرارت منفی 10.5 ، کرگل منفی 13 اور ڈریس منفی 20.6 ڈگری سینٹی گریڈ ریکارڈ کیا گیا۔ اسی دوران جموں و کشمیر اور لداخ میں درجہ حرارت میں بہتری آنے کے بعد جمعہ کے روز جموں میں صبح سویرے گھنے دھند کی وجہ سے تمام تر سرگرمیاں متاثر ہوگئی ہیں۔جموں میں گہری دھند ہونے کی وجہ سے معمولات زندگی متاثر ہوگئی ہے۔ محکمہ موسمیات کے ایک عہدیدار نے کہا کہ جموں و کشمیر اور لداخ میں اگلے دس دن کے دوران خشک موسم کی توقع ہے۔ درجہ حرارت میں کمی آنے کے امکانات کم ہے جبکہ درجہ حرارت میں مزید اضافے کا بھی امکان ہے۔’جموں میں آج دھند کی وجہ سے حد بصارت انتہائی کم درج کیا گیا ہے جس کی وجہ سے مال اور مسافر بردار گاڑیوں کی آمد و رفت میں زبردست مشکلات کا سامنا کرنا پڑ رہا ہے۔