کھلی دھوپ نکلنے سے رات کے ساتھ ساتھ دن کے درجہ حرارت میں بھی کافی بہتری

12فروری تک موسم خشک رہے گا ، شبانہ سردیوں میں پھر سے اضافہ ہونے کا امکان

سرینگر/06 فروری: چلہ خرد کے ایام میں دن میں اچھی خاصی دھوپ نکلنے سے جہاں دن کے درجہ حرارت میںکافی بہتری ریکارڈ کی گئی ہے وہیں شبانہ درجہ حرارت بھی نقطہ منجمند سے اوپر رہنے سے لوگوں کو کڑاکے کی سردی سے راحت نصیب ہوئی ہے تاہم سیاحتی مقامات میں رات اور دن میں سردیوں کا قہر جاری ہے۔ اسی دوران محکمہ موسمیات نے 12فرور ی تک موسمی صورتحال بہتر رہنے کے امکانات ظاہر کرتے ہوئے شبانہ سردیوں میںاضافہ ہونے کی پیشگوئی کی ہے ۔ سی این آئی کے مطابق شہر سرینگر وادی کے دو سرے اضلاع میں دن بھر اچھی خاصی دھوپ نکلنے کے بیچ دن اوررات کے درجے حرارت میں کافی اضافہ ہوگیا ہے جس کے نتیجے میںلوگوں نے راحت کی سانس لی ۔ سرینگر میں اگر چہ صبح لوگوں نے کھلی دھوپ کا نظارہ کیا تاہم یخ بستہ ہواؤں کے نتیجے میں یہاں کا موسم بھی سرد ہی محسوس کیا جارہا ہے۔محکمہ موسمیات کے مطابق دن میں کھلی دھوپ نکلنے اور رات کو مطلع صاف رہنے کے باعث شبانہ درجہ میں کمی ریکارڈ کی جا سکتی ہے ۔ محکمہ موسمیات کے مطابق سرینگر میں ہفتے کے روز لگاتار تیسرے دن بھی کم سے کم درجہ حرارت نقطہ انجماد سے بالاتر رہا کیونکہ محکمہ موسمیات نے آئندہ سات روز تک خشک موسم کی پیش گوئی کی ہے۔محکمہ موسمیات کے ایک عہدیدار نے بتایا کہ اگلے سات دن کے دوران موسم خشک رہنے کا امکان ہے اگرچہ کم سے کم درجہ حرارت میں اگلے دو دن کے دوران 2 سے 3 ڈگری کی کمی واقع ہوگی۔محکمہ موسمیات کے مطابق گرمائی دارالحکومت سرینگر میں کم سے کم درجہ حرارت 0.3 ڈگری سینٹی گریڈ ریکارڈ کیا گیا۔بتادیں کہ قبل ازیں سرینگر میں رواں سیزن کے دوران 14 جنوری کو سرد ترین رات درج ہوئی تھی جب کم سے کم درجہ حرارت منفی 8.4 ڈگری ریکارڈ ہوا تھا اور سردیوں کا پچیس سالہ پرانا ریکارڈ ٹوٹ گیا تھا۔وادی کے مشہور دہر سیاحتی مقام گلمرگ میں کم سے کم درجہ حرارت منفی 10.4 ڈگری سینٹی گریڈ جبکہ وادی کے دوسرے مشہور سیاح مقام پہلگام میں کم سے کم درجہ حرارت منفی 6.3 ڈگری سینٹی گریڈ ریکارڈ ہوا ہے۔سرحدی ضلع کپوارہ میں کم سے کم درجہ حرارت منفی 1.8 ڈگری سینٹی گریڈ جبکہ قاضی گنڈ میں منفی 3.2 ڈگری سینٹی گریڈ اور کوکرناگ میں کم سے کم درجہ حرارت منفی 2.5 ڈگری سینٹی گریڈ ریکارڈ کیا گیا۔وہیں جموں شہر میں کم سے کم درجہ حرارت 6.2 ، کٹرا میں 6.3، بٹوت میں 0.9 ، بانیہال 3.4 اور بھدرواہ منفی 1.0 ڈگری سینٹی گریڈ ریکارڈ کیا گیا۔وادی میں جاری سردیوں سے ا?بی ذخائر اور گھروں میں نصب نل اور پانی کی ٹنکیوں میں پانی کے جم جانے کا سلسلہ بھی جاری ہے۔وادی میں نلوں میں پانی جم جانے کا سلسلہ جاری رہنے سے پینے کے پانی نے بحرانی صورتحال اختیار کی ہے اور لوگوں خاص کر خواتین کا پانی کی تلاش میں گھوں سے ٹھٹھرتی سردی میں نکلنا اب ایک معمول بن گیا ہے۔دھر وادی کشمیر میں سردیوں کے ایام کے دوران بجلی کی عدم دستیابی کے نتیجے میں لوگ مشکلات سے دو چار ہے جبکہ سردی سے بچنے کیلئے اہلیان کشمیر نے گرم ملبوسات زیر تن کرنا شروع کر دیا ہے اور سردی سے بچنے کیلئے روایتی اور جدید گرمی کے آلات کا استعمال کرنا بھی شروع کر دیا ہے۔