سخت ترین موسمی حالات میںجموں و کشمیر اور لداخ کی؛ سرحدوں پر حفاظت کرنے والے فوجیوں کیلئے بجٹ میںکچھ نہیں : راہل

سرینگر/05فروری : راہل گاندھی نے کہا ہے کہ مشکل موسمی حالات میںجموں کشمیر اور لداخ کی سرحدی کی حفاظت کرنے والے فوجی جوانوں کیلئے مودی سرکار کے بجٹ میں کچھ نہیں ہے ۔ کرنٹ نیوز آف انڈیا مانیٹرنگ کے مطابق کانگریس کے سابق صدر راہل گاندھی نے دفاعی بجٹ کے سلسلے میں حکومت کو پھر سے ہدف تنقید بناتے ہوئے کہا کہ اس میں صرف سرمایہ دار دوستوں کو فائدہ پہنچانے کا کام ہوا ہے اور ملک کی سلامتی کے لئے مصروف فوجیوں کے ساتھ دھوکہ کیا گیا ہے ۔ انہوںنے کہا کہ مشکل ترین موسمی حالات میں چین اور جموں کشمیر کی سرحدوں کی حفاظت کرنے والے فوجیوں کیلئے بجٹ میں کچھ نہیں ہے ۔ مسٹر گاندھی نے کہا کہ بجٹ پوری طرح حکومت کے دوست سرمایہ داروں پر مرکوز ہے اور اس میں سرحد پر دشمن سے نبرد آزما فوجیوں کے مفاد میں کچھ نہیں ہے۔مسٹر گاندھی نے ٹوئٹ کیا ’’مودی ’دوست‘ پر مرکوز بجٹ کا مطلب ہے ’مشکل حالات چین کا سامنا کرنے والے جوانوں کو مدد نہیں۔ ملک کی حفاظت کرنے والوں کے ساتھ دھوکہ ہے ۔