چلہ خود میں مرتبہ پھر برف کی چادر بچھ گئی ، 37روز بعد شبانہ درجہ حرارت نقطہ منجمند سے اوپر ریکارڈ

تازہ برفباری کے باعث وادی کا زمینی اور فضائی رابطہ متاثر ، بعد میں دوبارہ کیا گیا بحال

سرینگر/04 فروری: پیر پنچال کے آر پار چلہ خود میں ایک مرتبہ پھر رات کے دوران برف کی چادر بچھ جانے کے باعث شبانہ درجہ حرارت میں کچھ حد تک بہتری ریکارڈ کی گئی ۔ تازہ برفباری کے باعث 37روز بعد شبانہ درجہ حرارت میں غیر معمولی بہتری آئی اور سرینگر میں شبانہ درجہ حرارت 0.4 ڈگری سینٹی گریڈ ریکارڈ کیا گیا جبکہ شہر آفاق گلمرگ مسلسل سردترین علاقہ رہا ۔ ادھر تازہ برفباری کے بعد وادی کا زمینی و فضائی رابطہ بھی متاثر ہوا ۔ تازہ برفباری کے باعث شبانہ سردیوں کا زور بھی ٹوٹ گیا جس کے نتیجے میں لوگوں نے راحت کی سانس لی ۔ ادھر محکمہ موسمیات نے آئندہ ایک ہفتے تک موسم خشک رہنے کے امکانات ظاہر کرتے ہوئے شبانہ سردیوں میں پھر اضافہ ہونے کی پیشگوئی کی ہے ۔ سی این آئی کے مطابق چلہ خرد میںایک مرتبہ پھر دوران شب موسمی صورتحال میںپھر تبدیلی آئی اور وادی کشمیر کے کئی علاقوں میں ایک مرتبہ پھر رات کے دوران ہلکی برفباری ریکارڈ کی گئی ۔ سرینگر سمیت شمال و جنوب کے کئی علاقوں میں صبح لوگ نیند سے اٹھے تو برف کی ایک مہین چادر بچھ گئی تھی جس سے سڑکوں پر پھسلن پیدا ہونے سے ٹرانسپورٹ کی نقل وحمل متاثر ہوئی۔ہلکی برفباری سے وادی کشمیر میں ایک مرتبہ پھر سفید چادر بچ گئی جبکہ برفباری کے نتیجے میں لوگوں نے کافی حد تک راحت کی سانس لی کیونکہ سردی کی لہر میں کافی کمی ریکارڈ کی گئی اور شبانہ درجہ حرارت بھی کچھ تک بہتر ہوگا ۔ محکمہ موسمیات نے ا سکی تصدیق کرتے ہوئے بتایا کہ ہلکی برفباری کے نتیجے میں شبانہ سردیوںکا زور ٹوٹ گیا جبکہ دن کے درجہ حرارت میں بھی کافی بہتری دیکھنے کو ملی ۔ دریں اثنا وادی کشمیرمیں مطلع ابر آلود رہنے سے شبانہ درجہ حرارت میں بہتری واقع ہونے سے لوگوں کو ٹھٹھرتی سردی سے قدرے راحت نصیب ہوئی۔آج دن میں بھی سورج نکل آنے سے درجہ حرارت کے اندر واضح اضافہ درج کیا گیا۔محکمہ موسمیات کے مطابق گرمائی دارلحکومت سری نگر میں کم سے کم درجہ حرارت 0.4 ڈگری سینٹی گریڈ ریکارڈ کیا گیا جبکہ 37دن بعد سرینگر میں شبانہ درجہ حرارت میں غیر معمولی بہتری ریکارڈ کی گئی اور نقطہ منجمند سے اوپر درجہ حرارت ریکارڈ کیا گیا ۔ محکمہ موسمیات کے مطابق شہر آفاق گلمرگ مسلسل سرد ترین علاقہ ریکارڈ کیا گیا جہاں رات کا درجہ حرارت منفی 6.4ڈگری سینٹی گریڈ ریکارڈ کیا گیا ۔ادھر برفباری کے باعث فضائی رابطہ میں بھی خلل واقع ہوئی اور کم روشنی کے باعث سرینگر کے ہوائی اڈے پر پروازوں میں تاخیر ہوئی جبکہ سرینگر جموں شاہراہ پر بھی گاڑیوں کی آمد رفت کچھ دنوں تک معطل رہی جبکہ اس دوران مغل روڑ اور اس کے گردونواح علاقوں میں ہوئی برفباری سے مغل روڑ کو ٹریفک کی آواجاہی کیلئے بند کردی گئی ہے ۔ اس دوران زوجیل اور سونہ مرگ میں ہوئی بھاری برفباری کے نتیجے میں سرینگر لہہ شاہراہ پر ٹریف کی آواجاہی بند کردی گئی ہے ۔ادھر محکمہ موسمیات کے مطابق پیر پنچال کے آر پار اگلے 24گھنٹوں تک میدانی علاقوں کے ساتھ ساتھ بالائی علاقوں میں بھی برفباری ہونے کے امکانات ہے اور کہا کہ موسمی صورتحال آئندہ ایک ہفتے تک بہتر رہنے کی امید ظاہر کی ہے ۔جس کے باعث شبانہ سردیوں میں ایک مرتبہ پھر اضافہ ہو سکتا ہے ۔