پونچھ کے متعدد سیکٹروں میں ہندو پاک افواج کے مابین شدید گولہ باری

سرینگر/02فروری: ضلع پونچھ کے مینڈھر ،کیرنی اور قصبہ سیکٹر میں پاکستان اور بھارتی فوج کے مابین شدید گولہ باری ہوئی اس طرح گذشتہ تین دنوں سے ضلع کے مختلف سرحدی علاقوں میں جنگی صورتحال بنی ہوئی ہے ۔ اس دوران دفاعی ذرائع نے پاکستان پر الزام عائد کیا ہے کہ پاکستانی فوج نے منگل کے روز بھی جنگ بندی معاہدے کی خلاف ورزی کی گئی جس کا بھر پور جواب فوج نے دیا ۔ کرنٹ نیوز آف انڈیا کے مطابق پونچھ کے منکوٹ سیکٹر میں ایل او سی پر پاکستانی فوج نے منگل کے روز قریب پونے تین بجے بھارتی چوکیوں کو نشانہ بنا کر بلا کسی اشتعال کے شدید گولہ باری شروع کر دی۔ ضلع پونچھ کے مختلف سرحدی پٹیوں پر جنگ کا سماں بندھا رہا ۔ اس بیچ کئی سرحدی علاقوں کے لوگوں نے نکل مکانی شروع کی ہے ۔ بتایا جاتا ہے کہ منگل کے روز بھی سرحدی ضلع پونچھ میں بھارت اور پاکستانی افواج کے مابین شدید گولہ باری جاری رہی ۔ اس دوران دفاعی ذرائع نے بتایا کہ پاکستانی فوج نے آج ایک مرتبہ پھر جنگ بندی معاہدے کی خلاف ورزی کرتے ہوئے سیولین آبادی اور فوجی چوکیوں کو نشانہ بناتے ہوئے شدید گولہ باری کی جس کے بعد فوج نے بھی پاکستانی فوج کی فائرنگ کا بھر پور جواب دیا ۔ ذرائع کے مطابق سرحدی ضلع پونچھ میں گذشتہ تین دنوں سے پاک فوج بلااشتعال فائرنگ جاری رکھے ہوئے ہیں تاہم ابھی تک اس میں کسی بھی طرح کے جانے نقصان کی اطلاع نہیں ہے ۔ بتایا جاتا ہے کہ ضلع کے مختلف سرحدی علاقوںسے لوگوںنے نکل مکانی شروع کی ہے کیوں کہ ضلع میں آر پار گولہ باری رکھنے کا نام نہیں لے رہی ہے ۔ ذرائع نے بتایا کہ دونوں جانب مسلسل کئی گھنٹوں تک گولہ باری جاری رہی اور منگل کے روز فائرنگ کا یہ واقع سب سے طویل واقع ہے ۔ یاد رہے کہ ہندوستان اور پاکستان کے مابین جاری سیاسی کشیدگی کے بیچ سرحدوں پر بھی مسلسل کشیدگی بنی ہوئی ہے اور دونوں جانب فوج ایک دوسرے کے ٹھکانوں پر نشانہ سادھتے ہوئے گولہ باری کررہے ہیں جس کی وجہ سے سرحدی علاقوں میں خوف ودہشت کا ماحول پھیل گیا ہے اور کئی جگہوں سے اطلاع ہے کہ لوگ اپنے آشیانوں کو چھوڑ کر محفوظ مقاما ت کی طرف بھاگ رہے ہیں اور کئی علاقوں کے لوگوںنے نزدیکی بنے زمین دوز بنکروں میں پناہ لینے شروع کی ہے ۔