چلہ خورد میں پہلی ہلکی برفباری نے سردیوں کا جمود ٹوڑ دیا ،شبانہ درجہ حرارت میں قدری بہتری

سڑکوں پر پھسلن پیدا ہونے سے ٹرانسپورٹ کی نقل وحمل متاثر ، آئندہ ہفتے تک موسم خشک رہنے کا امکان
سرینگر/یکم فروری/سی این آئی// چلہ کلان میں تیس برسوں کے ریکارڈ کو توڑنے والی سردیوں کے بیچ چلہ خورد کے پہلے ہی دن وادی کشمیر کے کئی علاقوں میں ایک مرتبہ پھر رات کے دوران ہلکی برفباری ریکارڈ کی گئی جس کے نتیجے میں شبانہ درجہ حرارت میں کچھ حد تک بہتری ریکارڈ کی گئی ۔ برفباری کے بعد سرینگر میں شبانہ درجہ حرارت منفی 3.1 ڈگری سینٹی گریڈ ریکارڈ کیا گی۔ تازہ برفباری کے باعث شبانہ سردیوں کا زور بھی ٹوٹ گیا جس کے نتیجے میں لوگوں نے راحت کی سانس لی ۔ ادھر محکمہ موسمیات نے آئندہ ایک ہفتے تک موسم خشک رہنے کے امکانات ظاہر کئے ہیں۔ سی این آئی کے مطابق / تیس برسوں کے ریکارڈ کو توڑنے والی سردیوں کے ایک روز بعد اتوار اور سوموار کی درمیانی رات کو موسمی صورتحال میںپھر تبدیلی آئی اور وادی کشمیر کے کئی علاقوں میں ایک مرتبہ پھر رات کے دوران ہلکی برفباری ریکارڈ کی گئی ۔ سرینگر سمیت شمال و جنوب کے کئی علاقوں میں صبح لوگ نیند سے اٹھے تو برف کی ایک مہین چادر بچھ گئی تھی جس سے سڑکوں پر پھسلن پیدا ہونے سے ٹرانسپورٹ کی نقل وحمل متاثر ہوئی۔ہلکی برفباری سے وادی کشمیر میں ایک مرتبہ پھر سفید چادر بچ گئی جبکہ برفباری کے نتیجے میں لوگوں نے کافی حد تک راحت کی سانس لی کیونکہ سردی کی لہر میں کافی کمی ریکارڈ کی گئی اور شبانہ درجہ حرارت بھی کچھ تک بہتر ہوگا ۔ محکمہ موسمیات نے ا سکی تصدیق کرتے ہوئے بتایا کہ ہلکی برفباری کے نتیجے میں شبانہ سردیوںکا زور ٹوٹ گیا جبکہ دن کے درجہ حرارت میں بھی کافی بہتری دیکھنے کو ملی ۔ دریں اثنا وادی کشمیرمیں مطلع ابر آلود رہنے سے شبانہ درجہ حرارت میں بہتری واقع ہونے سے لوگوں کو ٹھٹھرتی سردی سے قدرے راحت نصیب ہوئی۔آج دن میں بھی سورج نکل آنے سے درجہ حرارت کے اندر واضح اضافہ درج کیا گیا۔محکمہ موسمیات کے مطابق گرمائی دارلحکومت سری نگر میں کم سے کم درجہ حرارت منفی 3.1 ڈگری سینٹی گریڈ ریکارڈ کیا گیا جہاں گذشتہ شب رواں سیزن کی سرد ترین رات درج ہوئی تھی جب کم سے کم درجہ حرارت منفی 8.8 ڈگری سینٹی گریڈ ریکارڈ ہوا تھا جس سے سردیوں کو تیس سالہ پرانا ریکارڈ ٹوٹ گیا تھا۔ محکمہ موسمیات کے مطابق سرینگر میں گذشتہ 24 گھنٹوں میں تک 2.5 ملی میٹر تازہ برف باری ہوئی۔جبکہ قاضی گند میں 0.7 سینٹی میٹر تازہ برف باری ہوئی۔محکمہ موسمیات نے مزید بتایا کہ پہلگام اور گلمرگ کی مشہور سیاحتی مقامات کے ساتھ کوکرناگ اور کپواڑہ اسٹیشنوں میں بھی اس دوران برف باری نہیں ہوئی۔دریں اثنا ، پہلگام کو چھوڑ کر وادی بھر میں گذشتہ رات سے درجہ حررات میںکمی آئی ۔ ادھر برفباری کے باعث سرینگر جموں شاہراہ پر بھی گاڑیوں کی آمد رفت کچھ دنوں تک معطل رہی جبکہ اس دوران مغل روڑ اور اس کے گردونواح علاقوں میں ہوئی برفباری سے مغل روڑ کو ٹریفک کی آواجاہی کیلئے بند کردی گئی ہے ۔ اس دوران زوجیل اور سونہ مرگ میں ہوئی بھاری برفباری کے نتیجے میں سرینگر لہہ شاہراہ پر ٹریف کی آواجاہی بند کردی گئی ہے ۔ادھر محکمہ موسمیات کے مطابق پیر پنچال کے آر پار اگلے 24گھنٹوں تک میدانی علاقوں کے ساتھ ساتھ بالائی علاقوں میں بھی برفباری ہونے کے امکانات ہے اور کہا کہ موسمی صورتحال آئندہ ایک ہفتے تک بہتر رہنے کی امید ظاہر کی ہے ۔