وادی میں بجلی بریک ڈاون جاری ،لوگوں کو مشکلات کا سامنا; شدت کی سردی میں بجلی کی آنکھ مچولی نے لوگوں کی زندگی اجیرن بنادی

سرینگر/24 جنوری: وادی کے شمال و جنوب میں ہوئی برفباری کے نتیجے میں متاثرہ بجلی نظام کے بعد شمال و جنوب میں بریک ڈاون جاری ہے ۔ بجلی کی آنکھ مچولی سے لوگوں کو شدید مشکلات کا سامنا کرنا پڑرہا ہے جبکہ شدت کی سردی میں بار بار بجلی کاٹنے کے عمل سے لوگوں کی زندگیا اجیرن بن گئی ہے ۔ سی این آئی کے مطابق وادی کے بیشتر علاقوں میں بجلی بریک ڈاون جاری ہے اور روزانہ دن میں تین چار گھنٹے بجلی بند رکھی جاتی ہے جس کی وجہ سے لوگوں کو شدید پریشانیوں کا سامنا کرنا پڑرہا ہے ۔ شدت کی سردی کے بیچ بجلی کا بار بار منقطع رہنا عوام کے لے درد سر بن گیا ہے ۔ لوگوںنے محکمہ بجلی کے خلاف شدید برہمی کااظہار کرتے ہوئے کہا ہے کہ بجلی کی عدم دستیابی کا مسئلہ پیچیدہ بن گیا ہے جس کو کوئی بھی سرکار حل کرنے میں کامیاب نہیں ہوپارہی ہے۔ ادھر بجلی کی عدم دستیابی کی وجہ سے جہاں عام لوگوں کو مشکلات کا سامنا کرنا ڑا وہیں پر کارخانہ داروں ، کاری گروں اور دیگر افراد بھی دن بھر بے کار ہوگئے کیوں کہ ان کا روزگار صرف بجلی کی وجہ سے ہی چلتا ہے ۔لوگوں نے متعلقہ حکام سے اپیل کی ہے کہ بار بار کی بجلی کٹوتی کو بند کریں اور کٹوتی شیڈول کے مطابق ہی بجلی منقطع رکھیں تاکہ لوگوں کو پریشانیوں کا سامنا نہ کرنا پڑے ۔ لوگوں کا کہنا ہے کہ بجلی محکمہ آج سے دس برس جہاں پر تھا آج بھی اسی نہج پر ہے اس میں کوئی بھی بدلائو نہیں آیا ہے ۔ لوگوں کے مطابق اس جدید میںبھی بجلی کے بغیر نہ ہی ترقی حاصل کی جاسکتی ہے اور ناہی بچے بہتر اور سائنسی دور سے واقف ہوسکتے ہیں۔