ضروری مرمت کے پیش نظر سرینگر جموں شاہراہ پر ٹریفک رہا بند

سرینگر/22جنوری: ضروری مرمت کے پیش نظر جمعہ کو سرینگر جموں شاہراہ پر ٹریفک کی نقل و حمل بند رہی ،ادھر محکمہ ٹریفک کے مطابق موسم ساز گار رہنے کی صورت میں گاڑیوں کو آج جموں سے سرینگر کی طرف آنے کی اجازت ہو گی ۔ سی این آئی کے مطابق سرینگر جموں شاہراہ پر ضروری مرمتی کام کے پیش نظر جمعہ کو شاہراہ پر ٹریفک کی نقل و حمل معطل رہی۔ قاضی گنڈ سے نمائندے اس ضمن میں اطلاع دی ہے کہ سرینگر جموں شاہراہ پر جمعہ کو گاڑیوں کی نقل و حمل مکمل طو ر پر بند رہی اور کسی بھی گاڑیوں کو نہ تو جموں سے سرینگر آنے اور نہ ہی سرینگر سے جموں کسی بھی گاڑی کو جانے کی اجازت دی گئی ۔ انہوں نے بتایا کہ شاہراہ پر ضروری مرمت کے پیش نظر یہ فیصلہ لیا گیا تھا کہ ہر جمعہ کو شاہراہ پر ٹریفک کی نقل و حمل بند رہے گی ۔ خیال رہے کہ سرینگر جموں شاہراہ کی مرمت کے پیش نظر جموں کشمیر انتظامیہ نے پہلے ہی اعلان کیا تھا کہ ہر جمعہ کو سرینگر جموں شاہراہ پر ٹریفک کی نقل و حمل بند رہے گی اور کسی بھی گاڑی کو اس دن شاہراہ پر چلنے کی اجازت نہیں ہو گئی جبکہ سیکورٹی فورسز کے علاوہ مسافروں سے تاکید کی گئی تھی کہ وہ ایڈ وائزری پر من و عن عمل کرکے جمعہ کے روز شاہراہ پر سفر کرنے سے گریز کریں ۔ محکمہ ٹریفک کی جانب سے کل ایک حکمنامہ جاری کیا گیا جس میں کہا گیا تھا کہ سرینگر جموں شاہراہ کی ضروری مرمت ہر جمعہ کو سرینگر جموں شاہراہ پر ٹریفک کی نقل و حمل مکمل طور پر بند رہے گی اور ان دنوں کسی بھی گاڑی کو نہ تو سرینگر سے جموں جانے اور نہ ہی جموں سے سرینگر کی آنے اجازت ہو گی ۔ادھر محکمہ ٹریفک کے مطابق موسم ساز گار رہنے کی صور ت میں آج گاڑیوںکو جموں سے سرینگر کی طرف آنے کی اجازت ہو گی تاہم مسافروں سے تاکید کی گئی ہے کہ وہ شاہرا ہ پر سفر کرنے سے پہلے محکمہ ٹریفک سے رابطہ قائم کریں ۔