مشرقی لداخ سے چینی فوج کا انخلاء شروع ؛ ابتدائی مرحلے میں 10ہزار کے قریب فوجی واپس بلائے

سرینگر/12جنوری/سی این آئی// مشرقی لداخ میں ایل اے سی کے قریب علاقوں سے چین نے فوجیوں کوواپس بلانے کاسلسلہ شروع کردیاہے اور پہلے مرحلے کے تحت 10ہزار فوجیوں کو واپس بلایاگیا ہے ۔ سرکاری ذرائع کے مطابق گلوان وادی میں ابھی بھی چینی فوج اُس جگہ پر ڈھیرہ جمائے ہوئے ہیں جہاں پر چینی فوج نے گزشتہ برس قبضہ کیا تھا۔ کرنٹ نیوز آف انڈیا کے مطابق ہندوستان اور چین کے مابین8 ماہ سے جاری تنازعہ کے درمیان ، چینی فوج نے مشرقی لداخ میں لائن آف ایکچول کنٹرول کے قریب گہرے علاقوں سے لگ بھگ 10ہزار فوجیوں کو واپس بلایاہے۔تاہم ، سرحدی علاقوں میں تعیناتی پہلے کی طرح ہی ہے اور اس سکیٹر میں متعدد مقامات پر دونوں اطراف کے فوجی آمنے سامنے ہیں۔سرکاری ذرائع نے اے این آئی کو بتایا کہ چینی فوج نے مشرقی لداخ سیکٹر اور قریبی علاقوں کے برعکس اپنے روایتی تربیتی علاقوں سیتقریبا ً 10 ہزارفوجیوں کو واپس بلایا ہے۔۔ چینی روایتی تربیت کا علاقہ تقریباً 150 کلومیٹر اور ایل اے سی کے ہندوستان کی سمت سے دور ہے۔ چین نے گذشتہ سال اپریل سے مئی کے درمیان ان فوجیوں کو تعینات کیا تھا۔ذرائع نے بتایا کہ چینی فوج کی جانب سے ہندوستانی سرحد کے قریب بھاری مقدار میں ہتھیاروں کو رکھاگیاہے۔ ذرائع نے بتایا کہ گہرائی والے علاقوں سے فوجیوں کے انخلا کی وجہ انتہائی سردی ہو سکتی ہے اور ان کے لئے اس سرد علاقے میں بڑی تعداد میں فوجیوں کی تعیناتی کرنا مشکل ہوسکتا ہے۔ذرائع نے بتایا کہ یہ کہنا مشکل ہے کہ اگر رواں سال فروری سے مارچ کے درمیان درجہ حرارت میں اضافہ ہوتا ہے تو چینی حکومت فوجیوں کو واپس ہندوستانی سرحد پر تعینات کریگی؟۔ اپریل – مئی 2020 میں ، چینی فوج نے مشرقی لداخ سیکٹر میں جارحانہ انداز میں ہندوستانی سرحد کے ساتھ قریب50 ہزار فوجی جوانوں کو تعینات کیاتھا۔چینی حکومت کی اس کارروائی پر ہندوستانی فوج نے فوراً شدید ردعمل کا اظہارکیاتھا۔ چین نے ہندوستان کے مخالف علاقے میں سالانہ تربیتی مشق کی آڑ میں ہندوستانی علاقوں میں منتقل ہونا شروع کیا۔جس کے بعد دونوں افواج کے مابین کئی تنازعات منظر عام پر آئے۔ہندوستانی فوج نے چینی فوج کی سرگرمیوں پر کڑی نگاہ رکھی ہے اور انہیں ریحانگ لا اور ریچین لا کے ساتھ ساتھ جنوبی پین پینگ جھیل کے علاقے میں اسٹریٹجک پوزیشنوں پر گرفت کو برقرار رکھا ہے۔