اے ٹی ایم میشن کو توڑنے کا معاملہ حل ؛ اونتی پورہ میں’پولیس نے ملوث شخص کو سلاخوں کے پیچھے دھکیل دیا

سرینگر/23دسمبر: پدگام پورہ اونتی پورہ میںپولیس نے ایکسیس بینک کے اے ٹی ایم کو توڑنے کی کوشش میں ملو ث ایک شخص کو گرفتارکیا۔سی این آئی کے مطابق پولیس اونتی پورہ کو برانچ منیجر ایکسیس بینک لارکی پورہ پدگام پورہ کی جانب سے ایک تحریری درخواست موصول ہوئی کہ مورخہ 20/21/12/2020 کی درمیانی رات کچھ نامعلوم نقب زنوں نے لارکی پورہ پدگام پورہ میں نسب اے ٹی ایم کو توڑنے کی کوشش کی ہے۔ تحریری درخواست موصول ہونے پر تھانہ پولیس اونتی پورہ نے اس سلسلے میں کیس زیر ایف آئی آر نمبر192/2020 متعلقہ دفعات کے تحت انداج کرکے تحقیقات شروع کردی۔تحقیقات کے دوران پولیس نے اس جرم میں ملوث افراد کو گرفتار کیا جس کی شناخت سہیل احمد بٹ ولد علی محمد بٹ ساکن پدگامپورہ لارکی پورہ کے بطور پر ہوئی ہے۔