کچھ گھنٹوں کی معطلی کے بعد سرینگر جموں شاہرا پر ٹریفک کی آمد رفت دوبارہ بحال

سرینگر/22دسمبر: سرینگر جموں شاہراہ پر کچھ گھنٹوں تک ٹریفک کی نقل و حمل بند رہنے کے بعد اتوار کی صبح ٹریفک کی آمد رفت دوبارہ بحال کردی گئی ہے وہیںگزشتہ 17روز سے سرینگر لہہ شاہراہ اور مغل روڑ پر ٹریفک کی آمد رفت بند پڑی ہوئی ۔ جس کے نتیجے میں مسافروں کو سخت ترین مشکلات کا سامنا ہے ۔سی این آئی کو نمائندے نے قاضی گنڈ سے اس ضمن میں تفصیلات فراہم کرتے ہوئے بتایا کہ سوموار کے بعد دوپہر کو سرینگر جموں شاہراہ پر اچانک پسیاں گر آئی تھی جس کے بعد شاہراہ کو ٹریفک کی آمد رفت کیلئے بند کر دیا گیا تھا ۔ نمائندے نے محکمہ ٹریفک کا حوالہ دیتے ہوئے بتایا کہ ٹریفک کی آمد رفت بند ہونے کے ساتھ ہی شاہراہ کے کئی مقامات پر گاڑیاں درماندہ ہوگی تھی جس کے بعد بیکن اور محکمہ ٹریفک کے متعلقین نے شاہراہ کو قابل آمد رفت بنانے کیلئے کام ہنگامی بنیادوں پر شروع کر دیا تھا اور کافی محنت و مشقت کے بعد منگل کی صبح شاہرا ہ پر ٹریفک کی آمد رفت بحال کر دی گئی ہے ۔ محکمہ ٹریفک کے ایک سنیئر آفیسر نے اس کی تصدیق کرتے ہوئے بتایا کہ منگل کی صبح سرینگر جموں شاہراہ پر دوبارہ سے ٹریفک کی آمد رفت بحال کر دی گئی ہے ۔انہوں نے بتایا کہ شاہراہ کی حالت کو دیکھ کر گاڑیوں کو صرف ایک طرف چلنے کی اجازت ہو گی ۔ محکمہ ٹریفک کے مطابق کووڈ 19کے رہنمائے خطوط پر مکمل عملد ر آمد کے علاوہ مسافروںکے جان و مال کی حفاظت اور سڑک کی حالت کو دیکھ کر مخالف سمت سے کسی بھی گاڑی کو چلنے کی اجازت نہیں ہو گی ۔ ادھرتاریخی مغل روڑ اور سرینگر لہہ شاہراہ پر گزشتہ ایک ہفتے سے زائد عرصے سے ٹریفک کی نقل و حمل بند رہی۔ 434کلو میٹر سرینگر۔لیہ شاہراہ پر بھی گزشتہ 17دنوں سے ٹریفک کی آمد رفت بند پڑی ہوئی ہے۔ ذرائع نے بتایا کہ صبح سے ہی شاہراہ کے دونوں طرف پروجیکٹ وجیک اور باڈر روڈ آرگنائزیشن نے شاہراہ سے برف ہٹانے کا کام شروع کیا ہے۔ تاہم ابھی تک شاہراہ کو بحال کرنے میںکوئی پیش رفت نہیںہوئی ۔