سرینگر/22دسمبر: جموں کشمیر میں ضلع ترقیاتی کونسل چنائو کیلئے ووٹوں کی گنتی کے پیش نظر جنوبی کشمیر میں ایک مرتبہ پھر موبائیل انٹر نیٹ خدمات بند رہی ۔ جس کے نتیجے میں صارفین میں غم و غصہ کی لہر پا ئی گئی ۔ جبکہ وادی کے دیگر علاقوں میں انٹر نیٹ رفتار کو کم کر دیا گیا تھا ۔سی این آئی کے مطابق جموں کشمیر میں پہلی مرتبہ منعقد ہوئے ڈی ڈی سی انتخابات کیلئے منگل کو ووٹوں کی گنتی ہوئی جس دوران ایک مرتبہ پھر جنوبی کشمیر کے تمام علاقوں میں موبائیل انٹر نیٹ خدمات معطل کی گئی جس کی وجہ سے انٹرنیٹ صارفین کو شدید مشکلات کا سامنا کرنا پڑا جبکہ صارفین نے اس عمل کو صارفین کے ساتھ مذاق کے مترادف قراردیتے ہوئے کہا کہ جموں کشمیر کے تما م اضلاع میں ووٹوں کی گنتی ہو رہی ہے تاہم صرف جنوبی کشمیر میں ہی انٹر نیٹ خدمات معطل کرنا کہاں کا انصاف ہے ۔ جنوبی کشمیر کے تما م اضلاع میں سوموار کئی رات دیر گئے سے ہی میںموبائیل انٹر نیٹ خدمات معطل کر دی گئی جس کے نتیجے میں صارفین نے دن بھر انتظامیہ کو تنقید کا نشانہ بنایا ۔ اس ضمن میں صارفین نے شدید برہمی کااظہار کرتے ہوئے کہا کہ جموں کشمیر کے دیگر حلقوں میں بھی ووٹنگ کی گنتی ہور ہی تھی گئے تاہم وہاں پر انٹرنیٹ سروس حسب معمول چالو رہی تاہم صرف جنوبی کشمیر کے ساتھ ہی اس طرح کا استحصالی اور تعصب کا سلوک روا جارکھا ہے ۔ادھر حکام کا کہنا تھا کہ جنوبی کشمیر میں موبائیل انٹر نیٹ خدمات سیکورٹی وجوہا ت کی بنا پر معطل کر دی گئی ۔ خیال ہے کہ جموںکشمیر میںآج سے ضلع ترقیاتی کونسل انتخابات کیلئے ہوئی ووٹنگ کی گنتی ہوئی ہے ۔
Comments are closed.