چلہ کلان کے تیور بھی انتہائی سخت ، وادی میں خشک موسم اور کڑاکے کی ٹھنڈ جاری

26اور27دسمبر کی درمیانی رات کوہلکی سے درمیانہ درجے کی بارش کاامکان / محکمہ موسمیات

سرینگر/22دسمبر:وادی میں جاری خشک موسم کے بیچ محکمہ موسمیات نے 26دسمبر شام سے موسم تبدیل ہونے کی پیشن گوئی کرتے ہوئے کہا ہے کہ 26اور 27دسمبر کی درمیانی شب سے بالائی و میدانی علاقوں میں ہلکی و درمیانہ درجے کی برفباری ہوسکتی ہے ۔ کرنٹ نیوز آف انڈیا کے مطابق وادی کشمیر میں ہڑیوں کو جمادینے والی سردی اور خشک موسم سے اہلیان وادی کو کچھ دنوں بعد راحت ملنے کا امکان ہے ۔محکمہ موسمیات نے پیشن گوئی کی ہے کہ اگرچہ اگلے چند دنوں تک وادی میںموسم خشک رہ سکتا ہے تاہم 26دسمبر شام دیر گئے سے بالائی علاقوں میں درمیانہ سے بھاری برفباری ہوسکتی ہے جبکہ میدانی علاقوں میں ہلکی سے درمیانہ درجے کی برفباری اور ہلکی بونداباندی کا امکان ہے جس سے یخ بستہ ہوائیوں سے نجات مل سکتی ہے ۔ یاد رہے کہ گزشتہ روز سے وادی میں 40روزہ چلہ کلاںشروع ہوا اگرچہ ابتدائی دنوں میں چلہ کلاں میں موسم خشک رہا تاہم شبانہ درجہ حرارت میں مزید گراوٹ دیکھنے کو ملی ۔ شدیدٹھنڈ جاری رہنے کے ساتھ ساتھ اگرچہ دن بھر ہلکی دھوپ نکل آتی ہے تاہم شبانہ درجہ حرارت میں مسلسل گراوٹ آرہی ہے ۔ شہر سرینگر میںآج د ن کا زیادہ سے زیادہ درجہ حرارت 4.4ڈگری سیلسیس ریکارڈ کیا گیا ہے جبکہ گزشتہ شب کا درجہ حرارت منفی نقطہ انجماد سے نیچے جاکر 6.8منفی درج ہوا ۔ محکمہ موسمیات کے مطابق وادی کشمیر اور صوبائی علاقے لہہہ اور کرگل میں سردی کی شدید لہر نے پوری وادی کو اپنی لپیٹ میں لیا ہے اور یخ بستہ ہوائوں کی وجہ سے شدید سردی کی لہر جاری ہے ۔ جبکہ وادی کے ساتھ ساتھ لداخ خطہ بھی شدید سردی کی لپیٹ میں ہے ۔اسی طرح لداخ خطے کے دراس میں بھی درجہ حرارت بہت ہی حد تک نیچے آگیا ہے اور گذشتہ رات کے دوران وہاں پارہ منفی27ڈگری تک گر گیا۔وادی کے گلمرگ میں گذشتہ رات کے دوران منفی9.2ڈگری جبکہ پہلگام میںدن کا درجہ حرارت 0.3ڈگری ریکارڈ کیا گیا جبکہ گزشتہ شب کا منفی 14ڈگری رکارڈ کیا گیا ہے جوکہ اگزشتہ پندرہ برسوںمیں سب سے کم درجہ حرارت ہے ۔ یہ منفی9.5ڈگری ریکارڈ کیا گیا۔جموں شہر میں اس کے برعکس گذشتہ رات کا درجہ حرارت 3.4ریکارڈ کیا گیاجبکہ منگل کو دن کا زیادہ سے زیادہ درجہ حرارت 14.3ڈگری ریکارڈ کیا گیا ۔ادھر بانہال میں شبانہ درجہ حرارت منفی 4.0،قاضی گنڈ میں منفی 4.4،بٹوت میں منفی 4.1، بھدرواہ میں منفی4.9کپوارہ میں منفی 6.1کوکرناگ میں منفی 6.2لہہ میں منفی 12.0سیلسیس درج کیا گیا ہے ۔ شدید سردی کی وجہ سے شہر سرینگر اور دیگر علاقوں میں آبی ذخائر منجمد ہونے کی اطلاعات موصول ہوئی ہیں۔اسی دوران چالیس ایام پر مشتمل شدید سردی کا ’چلہ کلان‘ کی آمد ہوئی اور اتوار اور سوموار کی درمیانی رات سے بادشاہ چلہ کلان جلو افرو ز ہو رہا ہے ۔ ادھر محکمہ موسمیات نے وادی کشمیر میں آئندہ کچھ دنوں تک موسمی صورتحال میں تبدیلی نہ آنے کے امکانات ظاہر کرتے ہوئے بتایا کہ سردی کی لہر میں اضافہ ہو سکتا ہے ۔محکمہ موسمیات نے پیشن گوئی کی ہے کہ 26دسمبر شام کے بعد موسم تبدیل ہونے کا امکان ہے اور 26دسمبر اور 27دسمبررات کو بالائی و میدانی علاقوںمیںہلکی سے درمیانہ درجے کی برفباری کا امکان ہے ۔