مغل روڑ مسلح جھڑپ : دو جنگجو جاں بحق ، آپریشن جاری / پولیس

سرینگر /13دسمبر / سی این آئی سرحدی ضلع پونچھ میں تاریخی مغل شاہراہ پر دوگرن کے مقام پر فوج و فورسز اور جنگجوئوںکے مابین جاری مسلح تصادم آرائی میں ابھی تک دو جنگجو جاں بحق ہو گئے ہیں ۔ جموں کشمیر پولیس سربراہ نے جھڑپ کی تصدیق کرتے ہوئے بتایا کہ حالیہ میں پاکستان سے دراندازی کرنے والا گروپ محصور ہے ۔ پولیس نے جھڑپ میں دو جنگجوئوں کی ہلاکت کی تصدیق کرتے ہوئے بتایا کہ علاقے میں طرفین کے مابین گولیوں کا تبادلہ جاری ہے ۔ سی این آئی کے مطابق تاریخی مغل روڑ کے درمیان جنگجوئوں کی موجودگی کی اطلاع ملنے کے بعد فوج و فورسز اور جموں کشمیر پولیس نے اتوار کی صبح کئی ملحقہ علاقوں کو محاصرے میں لیکر تلاشی آپریشن شروع کر دیا ۔ قریب پانچ گھنٹوںکے طویل تلاشی آپریشن کے بعد چھتہ پانی مغل روڑ کے نزدیک اس وقت گولیوں کی گن گرج سنائی دی جب وہاں چھپے جنگجوئوں اور سیکورٹی فورسز کا آمنا سامنا ہوا ۔ گولیوں کا تبادلہ ہونے کے ساتھ ہی پورے علاقے کو سیل کر دیا گیا جس کے ساتھ ہی فوج و فورسز نے بھی مورچہ زن ہوکر جوابی کارورائی شروع کی اور علاقے میں با ضابطہ طور پر جھرپ کا آغاز ہو گیا ۔ گولیوں کی گن گرج کے ساتھ ہی فوج و فورسز کی اضافی کمک طلب کرکے پورے علاقے کو سیل کر دیا گیا اور جنگجوئوں کے فرار ہونے کے تمام راستے سیل کر دئے گئے ۔اسی دوران معلوم ہوا ہے کہ محاصرے میں پھنسے جنگجوئوں کو خود سپردگی کا بھی موقعہ دیا گیا تاہم انہوں نے پولیس کی پیشکش ٹھکر ادی اور فائرنگ کی ۔ علاقے میںکچھ گھنٹوں سے جاری گولیوںکے تبادلے میں ابھی تک دو جنگجو کی ہلاکت کی اطلاعات موصول ہوئی ہے ۔ پولیس کے ایک سنیئر آفیسر نے جھڑپ میں دو جنگجوئوں کی ہلاکت کی تصدیق کرتے ہوئے بتایا کہ دونوں کی نعشیں جھڑپ کے مقام پر دیکھی گئی ہے اور دونوں ممکنہ طور پر غیر مقامی ہے ۔ انہوں نے بتایا کہ علاقے میں طرفین کے مابین گولیوں کا تبادلہ جاری ہے اور تمام صورتحال جھڑپ ختم ہونے کے بعد ہی واضح ہو جائے گی ۔ ادھر جموں کشمیر پولیس سربراہ دلباغ سنگھ نے کہا کہ جنگجوئوںکا یہ گروپ حالیہ میں پاکستان سے دراندازی کرکے پونچھ میں داخل ہو گیا تھا جس دوران مغل شاہراہ پر ان کا سامنا سیکورٹی فورسز کے ساتھ ہوا ۔ انہوں نے بتایا کہ علاقے میںدو بدو جھڑپ جاری ہے ۔