برفباری کے بعد دھوپ کھل اٹھی ، شہر سمیت دیگر علاقوں کی سڑکیں زیر آب

سرینگر/12دسمبر: وادی کے میدانی علاقوں میں دوران شب ہوئی برفباری کے بعد دن کو کھی دھوپ نکلنے کے بعد سرینگر سمیت وادی کے دوسرے قصبہ میں اہم رابطہ سڑکیں زیر آب آگئیں جس کے نتیجے میں لوگوں کو عبور و مرور میں کافی دشواریاں پیش آئی۔ سی این آئی کے مطابق وادی کشمیر میں بارشوں اور برفباری کے بعد اکثر و بیشتر سڑکیں زیر آب آئی جس کے نتیجے میں راہ گیر پریشانیوںمیں مبتلا ہوئے ۔ برفباری اور بارشوں کے بعد شہر سرینگر کے بیشتر علاقوں کی ہم سڑکوں پر پانی جمع ہونے کی وجہ سے وہاں سے گزرنے والی گاڑیاں جیسے جھیلوں میں کشتیاں چل رہی تھیں ۔ اگرچہ چند ایک جگہوں پر پانی کی نکاسی کیلئے موٹر لاگئے گئے تھے تاہم پانی کے آگے وہ ناکافی تھے۔ پانی جمع ہونے کے نتیجے میں وہاں سے گزرنے والی گاڑیوں اور موٹر سائکل سواروں کو کافی مشکلات پیش آرہی تھیں۔ پانی کی نکاسی کیلئے کوئی معقول انتظام نہ کرنے پر مقامی لوگوں نے میونسپلٹی کے متعلقہ ذمہ داروں کے خلاف سخت برہمی کااظہار کرتے ہوئے کہا کہ معمولی بارشوں سے ہی خانیار کی سڑکیں سمندر وں کی شکل اختیار کرتی ہے ۔ ادھر سرینگر، اننت ناگ شاہراہ پر بھی برف اور بارش کا پانی جمع ہونے کی وجہ سے سڑکوں سے لوگوں کا عبور و مرور دشوار بن گیا ۔ جبکہ سرینگر بارہمولہ شاہراہ پر بھی کئی جگہوں پر کافی پانی جمع ہونے کی وجہ سے وہاں سے گزرنے والی گاڑیوں کو چلنے پھرنے میں دشواریوں کا سامنا کرنا پڑا۔ ادھر بمنہ کی مختلف کالنیوں کے مکینوں نے بھی فون پر بتایا کہ بمنہ کی اکثر کالونیوں کی سڑکیں زیر آب آگئی ہے اور لوگوں کا گھرو ں سے باہر نکلنا بھی دشوار بن گیا ہے درجنوں مکانوں میںبارش اور برف کا پانی گھس گیا ہے جس کے نتیجے میں وہاں سیلابی صورتحال پیدا ہوئی ہے ۔