ویکیپیڈیا نے جموں کشمیر کے نقشہ کوغلط طریقہ سے پیش کیا ؛ وزرات اطلاعات برہم ، جموں و کشمیر کا غلط نقشہ ہٹائیں/ویکیپیڈیا کو حکم

سرینگر/03دسمبر: جموں کشمیر کے نقشہ کو غلط دکھانے کے بعد مرکزی وزرات وزارت الیکٹرانکس اور انفارمیشن ٹکنالوجی نے ویکیپیڈیا کو نوٹس جاری کرتے ہوئے انہوں نے غلط نقشہ کو ہٹانے کی ہدایت دی ہے ۔ اور کہا کہ یہ علاقائی سالمیت اور بھارت کی خودمختاری کی خلاف ورزی ہے۔سی این آئی مانیٹرنگ کے مطابق مرکزی حکومت نے ویکیپیڈیا کو ان کے پلیٹ فارم سے ایک لنک ہٹانے کی ہدایت کی ہے جس میں جموں و کشمیر کا غلط نقشہ دکھایا گیا ہے۔یہ حکم نامہ وزارت الیکٹرانکس اور آئی ٹی نے انفارمیشن ٹکنالوجی ایکٹ 2000 کی دفعہ 69 اے کے تحت جاری کیا ہے۔اس معاملے کو ایک ٹویٹر صارف نے ایک ٹویٹ کے ذریعے اْجاگر کیا تھا اور حکومت سے سخت کارروائی کرنے کا مطالبہ کیا ہے۔وزارت الیکٹرانکس اور انفارمیشن ٹکنالوجی نے سے 27 نومبر کو ویکیپیڈیا کو صفحہ ہٹانے کی ہدایت کرتے ہوئے حکم جاری کیا۔ حکومت کے مطابق یہ علاقائی سالمیت اور بھارت کی خودمختاری کی خلاف ورزی ہے۔ذرائع نے بتایا کہ اگر ویکیپیڈیا ان ہدایات پر عمل نہیں کرتی ہے تو حکومت انفارمیشن ٹکنالوجی ایکٹ 2000 کے سیکشن 69 اے کے مطابق پورے پلیٹ فارم تک رسائی کو روکنے سمیت اس کے خلاف سنجیدہ قانونی کارروائی کر سکتی ہے۔ اب تک ویکیپیڈیا نے نقشہ درست نہیں کیا ہے۔