سخت ترین سیکورٹی انتظامات اور شدید ٹھنڈ کے بیچ ڈی ڈی سی و بلدیاتی انتخا بات کا دوسرا مرحلہ اختتام

دوسرے مرحلے میں 41سے زائد فیصد پولنگ ریکارڈ ، دن بھر صورتحال مجموعی طور پر امن رہی

سرینگر/یکم دسمبر: سخت ترین سیکورٹی انتظامات کے بیچ جموںکشمیر میں ضلع ترقیاتی کونسل اور بلدیاتی انتخابات کے دوسرے مرحلے کے تحت منگل کو ووٹ ڈالیں گئے ۔ منگل کی صبح سے ہی کہیںپولنگ مراکز پر لوگوں کی کافی بھیڑ دیکھنے کو ملی جنہوںنے اپنے ووٹ کا استعمال کیا ۔اور مجموعی طور پر دوسرے مرحلے کیلئے قریب 41فیصد سے زائد ووٹ پڑے ۔ ادھر حکام نے منگل کو بتایا کہ ضلع ترقیاتی کونسل انتخابات کے دوسرے مرحلے میں جموں کشمیرکے اندر دن کے ایک بجے تک 40.31فیصد ووٹنگ درج کی گئی۔انتخابات کے دوسرے مرحلے کے تحت کشمیر میں 25 اور جموں خطے میں 18 حلقوں میں ووٹ ڈالے گئے۔ادھر حکام کے مطابق دوسرے مرحلے میں ووٹنگ پُر امن طریقہ سے اختتام پذیر ہوئی اور کہیں سے بھی کوئی ناخوشگوار واقعہ پیش نہیں آیا ۔ سی این آئی کے مطابق سخت ترین سیکورٹی انتظامات اور شدید ٹھنڈ کے چلتے ڈی ڈی سی انتخابات کیلئے جموں کشمیر میں منگل کو دوسرے مرحلے کے تحت ووٹ ڈالیں گے ۔ قابل ذکر ہے کہ دوسرے مرحلے کی ووٹنگ کیلئے کل ملا کر2142 پولنگ اسٹیشن تھے جن میں میں سے 1305 کشمیر اور 837 جموں میں ہیں۔دوسرے مرحلے میں کشمیر میں 25 اور جموں خطے میں 18 حلقوں میں ووٹ ڈالیں گئے ڈی ڈی سی انتخابات کیلئے 321 امیدوار میدان میں ہیں جن میں سے 196 کشمیر سے اور 125 جموں میں ہے ۔ منگل کی صبح سے ہی پولنگ بوتھوںپر لوگوں کی بھیڑ دیکھنے کو ملی ، منگل کی صبح سے ہی ڈی ڈی سی انتخابات کے حوالے سے پولنگ مراکز پر رائے دہند گان کی لمبی لمبی قطاریں دیکھنے کو ملیں ،جو شدید ٹھنڈ کے باوجود پولنگ مراکز پر رائے دہی کا استعمال کرنے کے لئے اپنی باری کا انتظار کرتے ہوئے دیکھے گئے ۔اننت ناگ ،پلوامہ ،شوپیان ،کولگام ،کپوارہ ،بارہمولہ ،بانڈی پورہ ،گاندر بل ،بڈگام ،سرینگر ،کٹھوعہ ،ریاسی ،رام بن ،کٹھوعہ ،سانبا ، جموں ،راجوری اور پونچھ اضلاع میں رائے دہی کے دوران کافی گہماگہمی دیکھنے کو ملی ۔انتخابی عمل کے احسن انعقاد کے لئے سیکیورٹی کڑے انتظامات کئے گئے جبکہ حساس علاقوں میں ڈرونز کے ذریعے بھی نگرانی کی گئی ۔اس کے علاوہ کووڈ ۔19کے پیش نظر رائے دہندگان کی پولنگ مراکز پر تھرمل جانچ بھی کی گئی جبکہ پولنگ عملے نے بھی وبا سے محفوظ رہنے کے لئے خاص فیس ماسک ،شیلڈ اور دیگر چیزوں کا استعمال کیا ۔ ادھر حکام کے مطابق کہ ایک بجے تک کپوارہ ضلع میں34.44فیصد،بانڈی پورہ میں60.99،بارہمولہ میں24.69،گاندر بل میں39.05،سرینگر میں28.41،بڈگام میں37.72،پلوامہ میں6.96،شوپیان میں13.08کولگام میں24.34اور ضلع اننت ناگ میں28.13فیصد ووٹنگ ریکارڈ کی گئی۔اسی طرح جموں صوبے کے کشتواڑ میں50.47،ڈوڈہ میں55.82،رام بن میں57.31،ریاسی میں53.67،اْدھمپور میں45.31،کٹھوعہ میں50.71،سانبہ میں57.42جموں میں61.10،راجوری میں53.27اور پونچھ ضلع میں 59.90فیصد ووٹنگ ریکارڈ ہوئی۔ ادھر حکام کے مطابق دوسرے مرحلے میں ووٹنگ پُر امن طریقہ سے اختتام پذیر ہوئی اور کہیں سے بھی کوئی ناخوشگوار واقعہ پیش نہیں آیا ۔ اسی دوران جموں کشمیر میں ضلع ترقیاتی کونسل چنائو کیلئے دوسرے مرحلے کی ووٹنگ کے چلتے ایک مرتبہ پھر جنوبی ضلع پلوامہ اور شوپیان میں موبائیل انٹر نیٹ خدمات بند رہی جبکہ ضلع گاندربل میں رفتار کم دی گئی ۔ جس کے نتیجے میں صارفین میں غم و غصہ کی لہر پا ئی گئی ۔