مسلسل خراب موسمی صورتحال سے وادی کشمیر شدید سردی کی لپیٹ میں ، معمول کی زندگی متاثر

انتظامیہ نے جموں کشمیر اور لداخ کے 11اضلاع میں بالائی علاقوں میں تودے گر آنے کی وارننگ جاری کر دی

سرینگر/25نومبر/سی این آئی// پیرپنچال کے آر پار تیسرے روز بھی خراب موسمی صورتحال جاری ہی جس دوران بالائی علاقوں میں تازہ برفباری جبکہ میدانی علاقوں میں مطلع آبر آلو د اور بیچ بیچ میں ہلکی بارشوں کے نتیجے میں وادی کشمیر میں شدید سردی کی لہر سے معمول کی زندگی متاثر رہی ۔ خراب موسمی صورتحال کے باعث سرینگر لہہ شاہراہ اور مغل روڑ پر ٹریفک کی آمد رفت تیسرے روز بھی معطل رہی تاہم سرینگر جموں شاہراہ پر بنا کسی خلل کے ٹریفک کی آوجاہی جاری تھی ۔ ادھر محکمہ موسمیت نے اگلے 24گھنٹوں تک ہلکی سے درمیانی درجے کی بارشوں اور برفباری کی پیشگوئی کرتے ہوئے بتایا کہ 26نومبر کی صبح سے ہی موسمی صورتحال میں بہتری آنے کا امکان ظاہر کیا ہے ۔ادھر انتظامیہ نے جموں کشمیر اور لداخ کے 11اضلاع کے بالائی علاقوں میں تودے گر آنے کی وارننگ جاری کرد ی ہے اور لوگوں سے احتیاط برتنے کی اپیل کی گئی ہے ۔ سی این آئی کے مطابق محکمہ موسمیات کی پیشگوئی کے عئن مطابق پیر پنچال کے آر پار تیسرے روز بھی خراب موسمی صورتحال جاری رہی اور مشہور سیاحتی مقاما ت پر تازہ برفباری جبکہ کئی ایک میدانی علاقوں میں بارشیں ہوئی ۔ گلمرگ ، سونہ مرگ ، زوجیلا اور پیر کی گلی کے علاوہ پیز پنچال کی پہاڑیوں پرمسلسل تیسرے روز بھی برفباری کا سلسلہ جاری رہا جبکہ شہر سرینگر سمیت وادی کے دیگر علاقوں میںبارشوں کا سلسلہ دن بھی وقفے وقفے سے جاری رہا ۔ادھر کپوارہ کے بالائی علاقوں میں ہلکی اور باری برفباری کا بھی سلسلہ شروع ہوا اور کیرن ٹنگڈار۔مڑھل کی سڑک کو احتیاطی طور بند کردیا گیا اور تیسرے روز بھی بارشوں اور ہلکی برفباری کا سلسلہ جاری ہے۔ پہاڑی علاقوں بشمول مڑھل ٹنگڈارکیرن نوگام میں اتوارکے صبح برف باری شروع ہوئی اور بدھ کے روز بھی بارش اور ہلکی برف باری کا سلسلہ جاری تھا ۔ادھر اتوار کی الصبح سے ہندوارہ اور کپوارہ کے رامحال،راجوار،نوگام،لولاب کے علاقوں میں برفباری کا سلسلہ شروع ہوا ہے اور اطلاعات کے مطابق 6انچ برف ریکارڑ کی گئی۔ اس دوران سونہ مرگ، گلمرگ اور اس کے ملحقہ علاقوں میں تازہ برفباری ہوئی اس کیساتھ ساتھ زوجلا ، دراس اور دیگر پہاڑی علاقوںمیں بھی برفباری ہوئی۔ گلمرگ سے نمائندے نے اس ضمن میں تفصیلات فراہم کرتے ہوئے بتایا کہ شہر آفاق گلمرگ میں بدھ کو مسلسل تیسرے روز بھی اپر وٹ کی پہاڑیوں اور گلمرگ میں برفباری کا سلسلہ جاری رہا ۔ ادھر سونہ مرگ کے پہاڑی علاقوں میں بھی برفباری کی اطلاعات موصول ہوئی ہے ۔ادھر شوپیان سے بھی نمائندے نے اطلاع دی ہے کہ پیر کی گلی پر تازہ برفباری ہوئی اور دو سے تین انچ تک کی برفباری ریکارڈ کی گئی ۔ادھر سونہ مرگ، زوجیلا، منی مرگ، گومری، گلمرگ،پہلگام میں تازہ مگر تازہ برفباری ہوئی ہے جس کی وجہ سے شدید میں اضافہ ہوا ہے۔دھر محکمہ موسمیات کے مطابق پیر پنچال کے آر پار اگلے 24گھنٹوں تک میدانی علاقوں کے ساتھ ساتھ بالائی علاقوں میں بھی برفباری ہونے کے امکانات ہے اور کہا کہ موسمی صورتحال میں 26نومبر کے بعد ہی بہتری آنے کی امید ہے ۔ محکمہ موسمیات کے مطابق بالائی علاقوں کے ساتھ ساتھ میدانی علاقوں میں کہیںکہیں پر ہلکی سے درمیانہ درجے کی بارشیں ہوسکتی ہے جبکہ ہلکی بارشوں کی وجہ سے درجہ حرارت میں مزید گراوٹ آسکتی ہے ادھر موسم کی خرابی کے پیش نظر سرینگرلداخ شاہراہ پراور تاریخی مغل شاہراہ پر بھی پیر کی گلی کے مقام پر تازہ برفباری کے باعث دونوں شاہرائوں پر ٹریفک کی نقل و حمل تیسرے روز بھی بند رہی جس کے نتیجے میںمختلف مقامات پر سینکڑوں کی تعداد میں گاڑیاں درماندہ ہو گئی ہے ۔