سرینگر04جون: جمعرات کو مسلسل تیسرے روز بھی خراب موسمی صورتحال کے چلتے جنوبی کشمیر کے متعدد علاقوں میںشدید ژالہ باری اور بارشیں ہوئی جس کی وجہ سے درختوں پر میوہ کو کافی نقصان پہنچا ہے ۔شدید ژالہ باری کے باعث میوہ باغات اور کھیتوں میںبھاری پیمانے پر تباہی ہوئی ۔سی این آئی کے مطابق جمعرات کے بعد پہر ایک مرتبہ پھر جنوبی ضلع پلوامہ کے کئی علاقوں میںموسم نے کروٹ بدلی جس کے ساتھ ہی شدید ژالہ باری کا سلسلہ شروع ہو گیا ۔ پلوامہ کے ترال اور دیگر علاقوں سے موصولہ تفصیلات کے مطابق بعد دوپہر اچانک موسم بدلا اور آسمان پر کالے بادل چھاگئے جس دوران بادل گرجنے کے ساتھ ساتھ تیز ہوائوں کے بعد شدید ژالہ باری اور بارش ہوئی ۔ نمائندے کے مطابق مختلف جگہوں پر قریب بیس منٹ تک شدید ژالہ باری ہوئی جس کی وجہ سے میوہ درختوں کو کافی نقصان پہنچا ہے ۔ نمائندے نے لوگوں کے حوالے سے کہا ہے کہ میوہ صنعت جو پہلے ہی لاک ڈاون اور مخدوش حالات کے سبب تباہ ہوچکی ہے اب موسم کی ابتر صورتحال کے نتیجے میں اور زیادہ نقصان ہورہا ہے ۔
Comments are closed.