سخت سیکورٹی انتظامات کے بیچ آج کھلے گئے جموں میں دربار مئو کے دفاتر؛ تمام تیاریوںکو حمتی شکل دی گئی ، اہم مقامات پر سیکورٹی کے سخت انتظامات

سرینگر/08نومبر: سخت ترین سیکورٹی انتظامات کے بیچ جموں میں آج یعنی سوموار کو دربار مئو کے دفاتر کھلیں گے ۔ ادھر دربار مئو کے سلسلے میں پہلے ہی تمام تر انتظامات کو حمتی شکل دی گئی ہے ۔ سی این آئی کے مطابق جموں کشمیر کی سرمائی راجدھانی جموں میں آج یعنی سوموار کو دربار مئو کے دفاتر کھلیں گے ۔ خیال رہے کہ سرینگر میں دفاتر 30 اکتوبر کو بند ہوگئے تھے اور پہلے ہی اعلان کیا گیا تھا کہ دفاتر 9 نومبر کو جموں میں دوبارہ کھل رہے ہیں۔ادھر جموں میں دفاتر کھلنے کے سلسلے میں تمام انتظامات کو حمتی شکل دی گئی ہے جبکہ سیکورٹی کے کڑے انتظامات بھی کئے گئے ہیں ۔ اس سلسلے میں جموں زون کے انسپکٹر جنرل پولیس ، مکیش سنگھ نے جمعرات کی شام ایک میٹنگ میں سیکورٹی انتظامات کا جائزہ لینے کے لئے ایک اجلاس کی صدارت کی اور اپنے افسران کو ہدایت کی کہ وہ سرحدی علاقوں سمیت پورے جموں ضلع میں سیکورٹی کے وسیع تر اقدامات کو یقینی بنائے۔سنگھ نے افسروں سے سول سیکرٹریٹ اور اس کے آس پاس اور شہر کے مختلف علاقوں اوردیگر اہم علاقوں میں بھی مناسب سکیورٹی کو یقینی بنانے کے لئے کہا۔آئی جی پی نے افسران کو مختلف چیلنجوں کے بارے میں ہدایت دی ہے ، ادھر پولیس کے ایک سنیئر آفیسر نے بتایا کہ بین الاقوامی سرحد اور لائن آف کنٹرول کے پار ملک دشمن عناصر اور ان کے سرپرستوں کے کسی بھی کوشش کو ناکام بنانے کی ہدایت کی گئی۔ادھر دربار مئو کے سلسلے میں جموں شہر کی متعدد سڑکوں کی مرمت کی گئی ہے جبکہ درباریوں کو خوش کرنے کیلئے رنگ و روغن بھی لگایا گیا ہے ۔