موسمی صورتحال میں آئی تبدیلی ، ، بالائی علاقوں میں ہلکی برفباری، میدانی علاقوں میں بادلوںکا جمائو : تازہ برفباری کے بعد مغل روڑ ٹریفک کیلئے بند ، تازہ برفباری سے،وادی میں سردی کی شدید لہر لوٹ آئی

سرینگر/25اکتوبر: محکمہ موسمیات کی پیشگوئی کے عین مطابق وادی کشمیر میں آسمان پر بادل چھا جانے کے بیچ پیر کی گلی اور گلمرگ سمیت دیگر کئی پہاڑی علاقوں میں رواں موسم کی دوسری برفباری ریکارڈ کی گئی ۔ اسی دوران وادی کشمیر کے پہاڑی علاقوں میں ہلکی برفباری اور بارشوں کے نتیجے میں سردی کی لہر نے دستک دی جس کے ساتھ ہی دن کا زیادہ سے زیادہ درجہ حرارت 12ڈگری سیلئس ریکارڈ کیا گیا ۔ اس دوران محکمہ موسمیات نے اگلے چوبیس گھنٹوں کے دوران وادی کے بالائی علاقوںمیں ہلکی برفباری اور میدانی علاقوں میں ہلکی اور درمیانہ درجے کی بارش ہونی کی پیشن گوئی کی ہے ا۔ادھر پیر کی گلی کے مقام پر ہلکی برفباری کے بعد تاریخی مغل شاہراہ کو ٹریفک کی آمد رفت کیلئے بند کر دیا گیا ۔ سی این آئی کے مطابق وادی کشمیر میں اتوار کی صبح سے ہی موسمی صورتحال میں تبدیلی آئی اور آسمان پر بادل چھا گئے ۔ شہر سرینگر کے ساتھ ساتھ وادی کے دیگر علاقوں میں بھی آسمان ابر آلود رہا جبکہ سردی بھی محسوس کی گئی ۔ خیال رہے کہ محکمہ موسمیات نے آج شام سے موسمی صورتحال میں تبدیلی آنے کے امکانات ظاہر کرتے ہوئے بارشوں اور ہلکی برفباری کی پیشگوئی کی تھی ۔ اس دوران آج شہر سریگر میں دن کا زیادہ سے زیادہ درجہ حرارت 12ڈگری سیلسیس جبکہ رات کا کم سے کم درجہ حرارت 9ڈگری ریکارڈ کیا گیا ۔ادھر محکمہ موسمیات کی جانب سے موصولہ اطلاع کے مطابق وادی میں اگلے 24چوبیس گھنٹوں کے دوران بالائی علاقوں کے ساتھ ساتھ میدانی علاقوں میں کہیںکہیں پر ہلکی سے درمیانہ درجے کی بارشیں ہوسکتی ہے جبکہ سوموار تک وقفہ وقفہ سے ہلکی بارشوں کی وجہ سے درجہ حرارت میں مزید گراوٹ آسکتی ہے ۔ اس دوران آج بعد دوپہر سونہ مرگ، گلمرگ اورپیر کی گلی کے علاوہ کرگل اور دراس سے میں بھی ہلکی برفباری ہوئی، اس کیساتھ ساتھ زوجلا ، دراس اور دیگر پہاڑی علاقوںمیں بھی برفباری ہوئی۔ گلمرگ سے نمائندے نے اس ضمن میں تفصیلات فراہم کرتے ہوئے بتایا کہ شہر آفاق گلمرگ میں اتوارکے بعد دوپہر اس وقت موسمی صورتحال میں تبدیلی آئی جب آسمان پر کالے بادل چھا جانے کے ساتھ ہی اپر وٹ کی پہاڑیوں پر رواں موسم کی پہلی برفباری ہوئی ۔ جس کے ساتھ ہی موسم سرما نے دستک دی ۔ ادھر سونہ مرگ کے پہاڑی علاقوں میں بھی برفباری کی اطلاعات موصول ہوئی ہے ۔ ادھر شوپیان سے نمائندے نے اطلاع دی ہے کہ پیر کی گلی کے مقام پر اتوار کو کئی انچ برفباری ہوئی جس کے بعد تواریخی مغل شاہراہ کو گاڑیوں کی آمد رفت کیلئے بند کر دیا گیا ۔ سرینگر میں مقیم محکمہ موسمیات کے ناظم سونم لوٹس نے اس کی تصدیق کرتے ہوئے بتایا کہ آئندہ 24گھنٹوں کے دوران موسم میں مزید تبدیلی آئی گی اور درجہ حرارت میں بھی کمی ریکارڈ کی جا سکتی ہے ۔ انہوںنے بتایا کہ کئی مقامات پر ہلکی برفباری کے ساتھ بارشوں کا بھی امکان ہے کیونکہ مغربی ہوائیں جموں کشمیر میں اثر اندوز ہو چکی ہے جس کے نتیجے میں موسمی صورتحال میں تبدیلی آئی ہے ۔