ہند پاک افواج کے مابین جنگ بندی معاہدے کی خلاف وزریاں جاری

امسال 3589مرتبہ پاکستان کی جانب سے جنگ بندی معاہدے کی خلاف ورزی

سرینگر/17اکتوبر: ہند پاک افواج کے مابین جنگ بندی معاہدے کی خلاف وزریوں کے چلتے بین الاقوامی سرحد پر کھٹوعہ سیکٹر میں سنیچروار کو ایک بار پھر دونوں ممالک کے افواج کے مابین آمنا سامنا ہوا ۔ ادھر فوج نے کنٹرول لائن پر پونچھ سیکٹر میں پانچ ماٹر شلوں کو ناکارہ بنا یا ہے اور کہا کہ امسال 3589مرتبہ پاکستان کی جانب سے جنگ بندی معاہدے کی خلاف ورزی کر دی گئی ہے ۔ سی این آئی کے مطابق سرحدوں پر ہند پاک افواج کے مابین تنائو جاری ہے اور جنگ بندی معاہدے کی خلاف ورزیاں بھی مسلسل جاری ہے ۔ سنیچروار کی صبح ایک مرتبہ پھر بین الاقوامی سرحد پر کھٹوعہ سیکٹر میں ہندوپاک افواج کے مابین گولہ باری ہوئی ۔ دفاعی ذرائع نے بتایا کہ کھٹوعہ میں آئی بی پر پاکستانی فوج نے بلا کسی اشتعال کے بھارتی چوکیوں کو نشانہ بنا کر شدید گولہ باری کی ۔ دفاعی ترجمان نے کہا کہ سنیچروار کی صبح قریب 9بجے پاکستانی فوج نے جنگ بندی معاہدے کی خلاف ورزی کرتے ہوئے بھارتی چوکیوں پر شدید گولہ باری شروع کر دی۔انہوں نے کہا کہ وہاں تعینات بھارتی فوجی جوانوں نے حملے کا بھر پور جواب دیا تاہم فی الوقت کسی بھی جانب کسی جانی یا بھاری مالی نقصان کی کوئی اطلاع نہیں ہے۔ اس دوران دفاعی ذرائع نے بتایا کہ پاکستانی فوج نے آج ایک مرتبہ پھر جنگ بندی معاہدے کی خلاف ورزی کرتے ہوئے سیولین آبادی اور فوجی چوکیوں کو نشانہ بناتے ہوئے شدید گولہ باری کی جس کے بعد فوج نے بھی پاکستانی فوج کی فائرنگ کا بھر پور جواب دیا ۔ بتایا جاتا ہے کہ ضلع کے مختلف سرحدی علاقوںسے لوگوںنے نکل مکانی شروع کی ہے کیوں کہ ضلع میں آر پار گولہ باری رکھنے کا نام نہیں لے رہی ہے ۔ادھر فوج کا کہنا ہے کہ پونچھ سیکٹر میں جنگ بندی معاہدے کی خلاف ورزی کے دوران پاکستان کی جانب سے پھنکی گئی ماٹر شلوںکو ناکار ی بنایا گیا ۔ فوج کا کہنا تھا کہ یہ شل شہری آبادی والے علاقوں کے نزدیک پڑی ہوئی تھی اور وہ زندہ تھی جس کے بعد ان کا ناکارہ بنایا گیا ۔ ادھر ہند پاک افواج کے مابین جاری کشیدگی کے چلتے معلوم ہوا ہے کہ امسال 3589مرتبہ پاکستان کی جانب سے جنگ بندی معاہدے کی خلاف ورزی کر دی گئی ۔ معلوم ہوا ہے کہ سب سے زیادہ جنگ بندی معاہدے کی خلاف ورزیاں ماہ ستمبر میں ہوئی ۔ جبکہ رواں ماہ کے پہلے پانچ دنوں میں 60مرتبہ پاکستان کی جانب سے جنگ بندی معاہدے کی خلاف ورزی کی گئی ہے ۔