نوگام سیکٹر ہندواورہ میں ہندوپاک افواج کے مابین گولہ باری؛ آر پار گولہ باری سے سرحدی علاقوں میں خوف و دہشت کا ماحول

سرینگر/09اکتوبر: جمعہ کے روز ہندوارہ کے نوگام سیکٹر میں پاکستان اور بھارتی فوج کے مابین شدید گولہ باری ہوئی اس طرح سے سرحدی علاقوں میں مسلسل جنگی صورتحال بنی ہوئی ہے ۔ اس دوران دفاعی ذرائع نے پاکستان پر الزام عائد کیا ہے کہ پاکستانی فوج نے جنگ بندی معاہدے کی خلاف ورزی کی گئی جس کا بھر پور جواب فوج نے دیا ۔جبکہ گزشتہ 24گھنٹوں میں شمالی کشمیر کے سرحدی علاقوںمیں ہندوپاک افواج کے مابین گولہ باری کا یہ دوسراواقع ہے کرنٹ نیوز آف انڈیا کے مطابق شمالی کشمیر کے ضلع کپوارہ کے قصبہ ہندوارہ میںجمعہ کے روز ہندوارہ کے نوگام سیکٹر میں ہندوپاک افواج کے مابین آج جمعہ کے روز ایک بار پھر شدید گولہ باری کا تبادلہ ہوا جس کے نتیجے میں سرحدی علاقوں میں کافی خوف و دہشت کا ماحول پھیل گیا ۔ اس دوران دفاعی ذرائع نے بتایا کہ پاکستانی فوج نے آج ایک مرتبہ پھر جنگ بندی معاہدے کی خلاف ورزی کرتے ہوئے سیولین آبادی اور فوجی چوکیوں کو نشانہ بناتے ہوئے شدید گولہ باری کی جس کے بعد فوج نے بھی پاکستانی فوج کی فائرنگ کا بھر پور جواب دیا ۔ ذرائع کے مطابق ہند وپاک افواج کے درمیان شمالی ضلع کپوارہ کے ہندوارہ تحصیل کے نوگام سیکٹرمیں گولہ باری کا تبادلہ ہوا۔فوج کے ترجمان کی طرف سے جاری ایک مختصر بیان میں کہا گیا کہ پاکستانی افواج نے جنگ بندی کی خلاف ورزی کرتے ہوئے نوگام سیکٹر میں بلا اشتعال گولہ باری شروع کی۔ بیان کے مطابق ’’پاکستان کی جنگ بندی خلاف ورزی کا موثر جواب دیا گیا‘‘۔ادھر آزاد زرائع نے بتایا کہ گولہ باری کی وجہ سے لوگوں میں خوف و دہشت کا ماحول پھیل گیا ۔واضح رہے کہ شمالی کشمیر میں ہندوپاک افواج کے مابین گولہ باری کا یہ 24گھنٹوں میں دوسرا واقع ہے ۔ کل یعنی جمعرات کو ضلع بارہمولہ کے حاجی پیر سیکٹر اوڑی میں ہندوپاک افواج کے مابین شدید گولہ باری ہوئی تھی ۔یاد رہے کہ ہندوستان اور پاکستان کے مابین جاری سیاسی کشیدگی کے بیچ سرحدوں پر بھی مسلسل کشیدگی بنی ہوئی ہے اور دونوں جانب فوج ایک دوسرے کے ٹھکانوں پر نشانہ سادھتے ہوئے گولہ باری کررہے ہیں جس کی وجہ سے سرحدی علاقوں میں خوف ودہشت کا ماحول پھیل گیا ہے اور کئی جگہوں سے اطلاع ہے کہ لوگ اپنے آشیانوں کو چھوڑ کر محفوظ مقاما ت کی طرف بھاگ رہے ہیں اور کئی علاقوں کے لوگوںنے نزدیکی بنے زمین دوز بنکروں میں پناہ لینے شروع کی ہے ۔