یوگی نے شہید جوان کے اہل خانہ کو 25 لاکھ کی ا مداد دی
لکھنؤ، 25 مئی : اتر پردیش کے وزیر اعلی یوگی آدتیہ ناتھ نے چھتیس گڑھ کے نکسلی حملہ میں شہید ہو ئےسینٹرل ریزر و پولیس فورس (سی آر پی ایف) کے جوان جونپور کے رہنے والے راجیش کمار بند کو زبردست خراج عقیدت پیش کرتے ہوئے ان کے اہل خانہ کو 25 لاکھ روپے کی مالی امداد دئے جانے کا اعلان کیا ہے ۔ سرکاری ترجمان نے یہاں یہ اطلاع دی ۔
مسٹر یوگی نے شہید راجیش کمار بند کو زبردست خراج عقیدت پیش کرتے ہوئے کہا ہے کہ ملک کی حفاظت کے لئے اپنی سب سے بڑی قربانی دینے والے اس بہادر جوان کو ہمیشہ یاد کیا جائے گا ۔ انہوں نے شہید جوان کے غمزدہ خاندان کے لئے رنج و غم کا اظہار کیا ۔
وزیر اعلی نے کہا کہ مالی امداد کے علاوہ شہید راجیش کے خاندان کے ایک فرد کو سرکاری نوکری بھی دی جائے گی ۔ غور طلب ہے کہ حال ہی میں چھتیس گڑھ میں نکسلی حملہ میں سات جوان شہید ہو گئے تھے جس میں جونپور کا راجیش کمار بند بھی شامل تھا ۔
یواین آئی ۔
Comments are closed.