کپواڑہ میں کنٹرول لائن کے قریب پاکستانی شہری گرفتار ، تحقیقات جاری / فوج

سرحدی ضلع کپواڑہ میں کنٹرو ل لائن کے قریب پاکستانی شہری کی گرفتاری کے بعد تحقیقات شروع کردی گئی

فوج کے مطابق کپواڑہ ضلع کے سمری گاو¿ں کے قریب ایک پاکستانی شہری کو مبینہ طور پر لائن آف کنٹرول کو مشکوک حالات میں عبور کرنے کے بعد گرفتار کیا گیا
ایکس پر ایک پوسٹ میں چنار کور نے، نے لکھا ” الرٹ دستوں نے، جموں و کشمیر پولیس کے ساتھ مل کر، گھسنے والے کو پکڑنے اور کسی بھی ممکنہ حفاظتی خلاف ورزی کو روکنے کے لیے تیزی سے کام کیا“۔

انہوں نے مزید لکھا ” مخصوص انٹیلی جنس ان پٹ کی بنیاد پر، الرٹ چنار واریئرز نے، جموں و کشمیر پولیس کے ساتھ مشترکہ آپریشن میں، 12 جون 2026 کو سمری گاو¿ں، کپواڑہ کے قریب ایک پاکستانی شہری کو گرفتار کیا، جس نے مشکوک حالات میں لائن آف کنٹرول کو عبور کیا تھا۔ تیزی سے کام کرتے ہوئے، چوکس فوج اور مشترکہ سیکورٹی ٹیم نے کسی بھی ممکنہ مداخلت کو روک دیا“۔

فوج نے کہا کہ گرفتار شخص سے فی الحال پوچھ گچھ کی جا رہی ہے اور اس کی کراسنگ کے ارد گرد کے حالات اور کسی ممکنہ روابط یا محرکات کا پتہ لگانے کے لیے تفتیش جاری ہے۔