لیفٹنٹ جنرل بلبیر سنگھ نے فوج کی اسٹریٹجک طور پر انتہائی اہم 15کورپس (چنار کور) کے جنرل آفیسر کمانڈنگ کے طور پر چارج سنبھال لیا۔
حکام کے مطابق کمان سنبھالنے پر چنار کور کمانڈر لیفٹنٹ جنرل بلبیر سنگھ نے کشمیر کے عوام کو اپنی گرمجوشی سے مبارکباد دی۔
چنار کور کمانڈر نے خطے میں دیرپا استحکام اور جامع ترقی کو آگے بڑھانے کے لیے سول انتظامیہ اور عوام کے ساتھ قریبی ہم آہنگی کے ساتھ کام کرنے کے اپنے عزم کا اعادہ کیا۔
انہوں نے وادی کشمیر میں امن، ترقی اور خوشحالی کی بنیاد کو مزید مضبوط کرنے کے لیے سول انتظامیہ، سیکورٹی فورسز اور عوام کے ساتھ مضبوط اور مربوط شراکت داری کو برقرار رکھنے کے اپنے عزم کا اعادہ کیا۔
انہوںنے کہا ” قیادت کی منتقلی چنار کور اتحاد، لچک اور غیر متزلزل عزم کی ایک پائیدار علامت بنی ہوئی ہے جو دیرپا امن، استحکام، بھرپور ثقافتی ورثے کو پروان چڑھانے اور روشن مستقبل کے لیے کشمیری نوجوانوں کی امنگوں کو پورا کرنے کے اپنے مشن میں ثابت قدم ہے“۔
Comments are closed.