شمالی کمان کے فوجی کمانڈر کا دورہ اونتی پورہ ، آپریشنل تیاریوں کا لیا جائزہ

شمالی کمان کے فوجی کمانڈر لیفٹنٹ جنرل پراتیک شرما نے جنوبی کشمیر میں انسداد دہشت گردی گرڈ کا جائزہ لیا، جہاں انہیں خطے میں موجودہ سیکورٹی صورتحال اور فوجیوں کی آپریشنل تیاریوں کے بارے میں بریفنگ دی گئی۔

جائزہ کے دوران، آرمی کمانڈر نے انٹیلی جنس پر مبنی کامیاب آپریشنز اور ابھرتے ہوئے چیلنجوں کے لیے تیز رفتار ردعمل کے لیے کلیدی عناصر کے طور پر ہم آہنگی، موافقت، درستگی، اور مسلسل چوکسی کی اہمیت پر زور دیا۔

انہوں نے زمین پر موجود فوجیوں کے ساتھ بات چیت کی، ان کے ناقابل تسخیر جذبے، لگن اور قوم کی سلامتی کو یقینی بنانے کے عزم کو سراہا۔