گاندربل میں مسلح تصادم :ایک دہشت گرد ہلاک

سری نگر، یکم اپریل

جموں و کشمیر کے ضلع گاندربل میں سکیورٹی فورسز نے کل رات سے جاری مڈبھیڑ میں ایک نامعلوم دہشت گرد کو مار گرایا۔

فوج نے بدھ کو یہ اطلاع دی۔
فوج کے مطابق، گاندربل کے ارہامہ علاقے میں منگل کی شام شروع کی گئی کارروائی کے دوران یہ دہشت گرد کو مارا گیا۔

فوج کی سری نگر میں قائم چنار کور نے ایکس پر بتایا، "31 مارچ کی رات کو، وقفے وقفے سے فائرنگ کے تبادلے کے درمیان محاصرے کو حکمت عملی سے دوبارہ منظم کیا گیا۔ ہمارے جوانوں نے مؤثر جوابی کارروائی کی، جس کے نتیجے میں ایک دہشت گرد مارا گیا۔ آپریشن ابھی بھی جاری ہے۔”
ہلاک ہونے والے دہشت گرد کی شناخت اور دہشت گرد گروپ سے اس کی وابستگی کا فوری طور پر پتہ نہیں چل سکا۔
فوج اور جموں و کشمیر پولیس نے کل شام مخصوص انٹیلی جنس معلومات کی بنیاد پر ارہامہ علاقے میں مشترکہ تلاشی آپریشن شروع کیا تھا۔ آپریشن کے دوران چوکس جوانوں نے کچھ مشکوک حرکت دیکھی۔ جب انہیں للکارا گیا تو مشتبہ افراد نے فائرنگ کر دی، جس کے بعد مڈبھیڑ شروع ہوگئی۔

ذرائع نے بتایا کہ فائرنگ شروع ہوتے ہی پورے علاقے کو گھیرے میں لے لیا گیا۔ اضافی سکیورٹی فورسز کو موقع پر پہنچا دیا گیا اور سینئر سکیورٹی افسران بھی آپریشن کی نگرانی اور دیکھ ریکھ کے لیے علاقے میں پہنچ گئے۔