وادی کشمیر میں موسلادار بارشیں :بارہمولہ میں سب سے زیادہ بارش درج

سرینگر /31مارچ

محکمہ موسمیات نے کہا کہ جموں و کشمیر میں گزشتہ 24 گھنٹوں کے دوران گرج چمک کے ساتھ ہلکی سے بھاری بارش ریکارڈ کی گئی۔

وادی کشمیر کے بالائی علاقوں میں بھی ہلکی برفباری ہوئی جس کی وجہ سے سرینگر لیہہ ہائی وے کو ٹریفک کے لیے بند کر دیا گیا۔

محکمہ موسمیات کے اعداد و شمار کے مطابق کشمیر میں بارہمولہ میں 73.0 ملی میٹر بارش کے ساتھ سب سے زیادہ بارش ریکارڈ کی گئی، اس کے بعد پونچھ میں 68.5 ملی میٹر اور راجوری میں گزشتہ 24 گھنٹوں کے دوران 52.0 ملی میٹر بارش ہوئی۔
کشمیر صوبے میں سرینگر میں 31.6 ملی میٹر بارش ریکارڈ کی گئی، جبکہ دیگر اسٹیشنوں پر بھی درمیانے درجے کی بارش ہوئی، جن میں قاضی گنڈ 48.6 ملی میٹر، پہلگام 36.8 ملی میٹر، کپواڑہ 40.8 ملی میٹر اور کوکرناگ میں 35.5 ملی میٹر بارش ہوئی۔

کشمیر صوبے میں کئی مقامات پر رات کا کم از کم درجہ حرارت معمول سے 1سینٹی گریڈ زیادہ رہا، جب کہ جموں صوبے میں کئی مقامات پر کم از کم درجہ حرارت معمول سے ایک سے تین سینٹی گریڈ کم رہا۔
محکمہ موسمیات کے مطابق کشمیر صوبے میں سب سے کم کم سے کم درجہ حرارت گلمرگ میں منفی 0.7 سینٹی گریڈ ریکارڈ کیا گیا جبکہ جموں صوبے میں سب سے کم درجہ حرارت بھدرواہ میں 8.2 سینٹی گریڈ ریکارڈ کیا گیا۔

محکمہ موسمیات نے کہا کہ جموں و کشمیر میں 10 اپریل تک موسم کی خرابی برقرار رہنے کی توقع ہے، اگلے کئی دنوں میں وقفے وقفے سے بارش اور برف باری کی پیش گوئی کی گئی ہے۔
پیشگوئی کے مطابق31 مارچ سے 2 اپریل تک، دوپہر کے آخر تک چند مقامات پر ہلکی بارش یا برفباری ہوسکتی ہے، جبکہ
3اور 4اپریل کو عام طور پر ابر آلود رہنے کی توقع ہے اور کئی مقامات پر گرج چمک اور تیز ہواو¿ں کے ساتھ ہلکی بارش یا برفباری کا امکان ہے۔

انہوں نے کہا کہ 5اور 7اپریل تک، الگ تھلگ مقامات پر ہلکی بارش کے ساتھ موسم جزوی طور پر ابر آلود رہنے کا امکان ہے، جبکہ 8 سے 10 اپریل کے درمیان کئی مقامات پر ہلکی سے درمیانی بارش یا اونچی جگہوں پر برفباری کا امکان ہے۔

محکمہ نے 31 مارچ، 3 اور 4 اپریل کو سہ پہر کے اوقات میں چند مقامات پر گرج چمک اور تیز ہواو¿ں کی وارننگ بھی جاری کی ہے۔