ضروری اشیاءکے اسٹاک کی باقاعدگی سے نگرانی کی جا رہی ہے ، گھبرانے کی ضرورت نہیں/ صوبائی کمشنر کشمیر

صوبائی کمشنر کشمیر انشول گرگ نے لوگوں سے گردش کرنے والی افواہوں کے درمیان نہ گھبرانے کی اپیل کرتے ہوئے کہا کہ حکومت ضروری سامان اور مجموعی صورتحال پر گہری نظر رکھے ہوئے ہے۔

انہوں نے کہا کہ وزیراعظم اور حکومت ملک سے مسلسل موجودہ صورتحال کو لیکر بات کرتے ہیں جبکہ انتظامیہ کی جانب سے عوام کو باخبر رکھنے کے لیے بیانات بھی جاری کیے جا رہے ہیں۔

گرگ نے کہا”کسی قسم کے گھبرانے کی ضرورت نہیں ہے۔ ضروری اشیاءکے اسٹاک کی باقاعدگی سے نگرانی کی جا رہی ہے اور مناسب تقسیم کے ساتھ ان کی مناسبیت کو یقینی بنایا جا رہا ہے۔ “

انہوں نے مزید کہا کہ حکومت کی طرف سے کسی بھی اہم معلومات کو باضابطہ طور پر مطلع کیا جائے گا اور افواہیں پھیلانے سے احتیاط کی جائے گی۔

انہو ں نے کہا ” حکومت کی طرف سے سخت ہدایات ہیں، اور غلط معلومات پھیلانے میں ملوث افراد کے خلاف کارروائی کی جائے گی۔ “ انہوں نے لوگوں سے اپیل کی کہ وہ اپ ڈیٹس کے لیے صرف سرکاری ہینڈلز پر انحصار کریں۔