صدر ٹرمپ کا ٹیلی فون آیا ،مغربی ایشیا کی صورتحال پر مفید تبادلہ خیال ہوا / وزیر اعظم مودی

نئی دہلی / 24مارچ

وزیر اعظم نریندر مودی نے امریکی صدر ڈونالڈ ٹرمپ کے ساتھ فون پر بات چیت کے بعد کہا کہ ہندوستان مغربی ایشیا میں جلد از جلد کشیدگی میں کمی اور امن کی بحالی کی حمایت کرتا ہے

یہ فون کال امریکی صدر کی جانب سے شروع کی گئی تھی، جس کے ایک دن بعد انہوں نے واشنگٹن کی جانب سے آبنائے ہرمز کو دوبارہ کھولنے کے لیے ایران کے لیے دی گئی ڈیڈ لائن میں پانچ دن کی توسیع کی تھی۔

وزیر اعظم مودی نے سوشل میڈیا پر کہا”صدر ٹرمپ کا فون آیا اور مغربی ایشیا کی صورتحال پر مفید تبادلہ خیال ہوا“۔

انہوں نے کہا ” بھارت جلد از جلد کشیدگی میں کمی اور امن کی بحالی کی حمایت کرتا ہے۔ آبنائے ہرمز کے کھلے، محفوظ اور قابل رسائی کو یقینی بنانا پوری دنیا کے لیے ضروری ہے۔ ہم نے امن اور استحکام کی کوششوں کے سلسلے میں رابطے میں رہنے پر اتفاق کیا۔ “