رواں ماہ کے آخر میں موسمی تبدیلی کا امکان ، 28مارچ سے بارشوں کی پیشگوئی

محکمہ موسمیات نے رواں ہفتے کے آخر میں موسمی تبدیلی کا امکان ظاہر کرتے ہوئے تازہ بارشوں کی پیشگوئی کی ہے ۔

محکمہ موسمیات نے پیشگوئی کی ہے کہ 28 مارچ کی رات سے بارش اور بالائی علاقوں میں برفباری اور تیز ہواو¿ں کی توقع ہے۔

پیشن گوئی کے مطابق، 25 کو موسم عام طور پر خشک رہے گا۔ اس کے بعد 26 مارچ کو مطلع جزوی طور پر ابر آلود رہے گا اور کچھ مقامات پر ہلکی بارش یا برفباری کا امکان ہے۔

عہدیداروں نے کہا کہ 27 اور 28 مارچ شام تک زیادہ تر خشک رہیں گے، جس کے بعد مرکز کے زیر انتظام علاقوں میں کئی مقامات پر ہلکی بارش، برف باری، گرج چمک اور تیز ہواو¿ں کا امکان ہے۔

موسمیاتی مرکز نے خبردار کیا ہے کہ 29 سے 31 مارچ تک، عام طور پر ابر آلود رہے گا اور میدانی علاقوں میں ہلکی سے اعتدال پسند بارش اور کئی مقامات پر اونچی جگہوں پر برف باری کا امکان ہے۔ اس دوران 40سے 50 کلومیٹر فی گھنٹہ کی رفتار سے گرج چمک اور تیز ہوائیں چلنے کی بھی توقع ہے۔

موسمیاتی مرکز سرینگر کے ایک اہلکار نے کہا” 28مارچ اور 31 مارچ کی رات کے درمیان گرج چمک اور تیز ہواو¿ں کے ساتھ چند بالائی علاقوں پر درمیانی برفباری کے امکان کو رد نہیں کیا جا سکتا۔

پیشین گوئی کے پیش نظر، حکام نے ایک ایڈوائزری جاری کی ہے جس میں کسانوں پر زور دیا گیا ہے کہ وہ 26 مارچ کو اور دوبارہ 29 سے 31 مارچ تک کھیت کے کاموں کو معطل کر دیں تاکہ خراب موسم کی وجہ سے ہونے والے نقصانات سے بچا جا سکے۔

مسافروں کو یہ بھی مشورہ دیا گیا ہے کہ وہ ٹریفک ایڈوائزری پر عمل کریں اور متوقع موسمی خرابی کے دوران، خاص طور پر پہاڑی اور کمزور علاقوں میں اپنی نقل و حرکت کی احتیاط سے منصوبہ بندی کریں۔

انہوں نے کہا کہ یکم سے 4اپریل تک، موسم جزوی طور پر ابر آلود رہنے کی توقع ہے، اس عرصے کے دوران کسی بڑی خرابی کا اشارہ نہیں دیا گیا ہے۔