سرینگر /23دسمبر /
منشیات کی اسمگلنگ اور منشیات کے کاروبار کے ذریعے پیدا ہونے والے اثاثوں کے خلاف جاری کریک ڈا¶ن میں، پولیس ا سٹیشن رعناواری نے ایک دو منزلہ رہائشی مکان جس کی مالیت تقریباً 1 کروڑ روپے ہے، منشیات اور نفسیاتی اشیاءایکٹ کی دفعات کے تحت ضبط کر لی ہے۔منسلک جائیداد میں سلطان محلہ، سیداکدل میں واقع 12 مرلہ اراضی پر بنایا گیا ایک دومنزلہ رہائشی مکان شامل ہے، جو ملزم نثار احمد بوٹا ولد محمد شفیع بوٹا ساکنہ سلطان محلہ، سیداکدل کا ہے۔
ملزم این ڈی پی ایس ایکٹ کی مختلف دفعات کے تحت پولیس سٹیشن راناواری میں درج ایف آئی آر نمبر 39/2022میں ملوث ہے۔تفتیش کے دوران یہ ثابت ہوا کہ مذکورہ جائیداد منشیات کی اسمگلنگ کی سرگرمیوں سے حاصل ہونے والی غیر قانونی آمدنی سے حاصل کی گئی تھی۔ نتیجتاً، جائیداد کو این ڈی پی ایس ایکٹ کی دفعہ کے تحت منسلک کیا گیا۔ منسلکی کی کارروائی سختی سے مقررہ قانونی طریقہ کار کے مطابق اور دو آزاد گواہوں کی موجودگی میں کی گئی۔اٹیچمنٹ آرڈر کے مطابق، مالک کو اگلے احکامات تک مذکورہ پراپرٹی کو بیچنے، لیز پر دینے، منتقل کرنے، تبدیل کرنے یا کسی تیسرے فریق کی دلچسپی پیدا کرنے سے روک دیا گیا ہے۔
جموں و کشمیر پولیس منشیات کے اسمگلروں کے مالیاتی نیٹ ورکس کو ختم کرنے اور منشیات کی تجارت میں ملوث افراد کے خلاف سخت قانونی کارروائی کرنے کے اپنے عزم کا اعادہ کرتی ہے۔
Comments are closed.