کشمیر میں سردیوں کا زور تیزتر، سرینگر میں شبانہ درجہ حرارت منفی3.6 ڈگری سینٹی گریڈ ریکارڈ

سری نگر، دسمبر

وادی کشمیر میں شبانہ درجہ حرارت نقطہ انجماد سے کافی نیچے ریکارڈ ہونے کے نتیجے میں ٹھٹھرتی سردیوں کا زور تیز تر ہوا ہے۔

وادی میں جنوبی کشمیر کا ضلع پلوامہ سرد ترین مقام رہا ہے جہاں کم سے کم درجہ حرارت منفی 5.5 ڈگری سینٹی گریڈ جبکہ ضلع شوپیاں میں شبانہ درجہ حررارت منفی5.0 ڈگری سینٹی گریڈ ریکارڈ ہوا ہے۔

کشمیر ویدر کے مطابق گرمائی دارلحکومت سری نگر میں کم سے کم درجہ منفی3.6 ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی 2.9 ڈگری سینٹی گریڈ ریکارڈ ہوا تھا۔

سری نگر میں 28 نومبر کو رواں سیزن کی سرد ترین رات ریکارڈ ہوئی تھی جب شبانہ درجہ حرارت منفی4.5 ڈگری سینٹی گریڈ ریکارڈ ہوا تھا۔

وادی کے مشہور سیاحتی مقامات پہلگام اور گلمرگ میں کم سے کم درجہ حرارت بالترتیب منفی4.6 ڈگری سینٹی گریڈ اور0.0 ڈگری سینٹی گریڈ ریکارڈ ہوا ہے۔

سرحدی ضلع کپوارہ میں کم سے کم درجہ حرارت منفی3.6 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی2.8 ڈگری سینٹی گریڈ ریکارڈ ہوا ہے۔

شمالی کشمیر کے ضلع بارہمولہ اور بانڈی پورہ اضلاع میں کم سے کم درجہ حرارت بالترتیب منفی4.7 ڈگری سینٹی گریڈ اور منفی3.6 ڈگری سینٹی گریڈ ریکارڈ ہوا ہے۔

وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی4.3 ڈگری سینٹی گریڈ اور منفی2.6 ڈگری سینٹی گریڈ ریکارڈ ہوا ہے۔

وادی کے ایک اور سیاحتی مقام سونہ مرگ میں کم سے کم درجہ حرارت منفی1.3 ڈگری سینٹی گریڈ اور سری نگر ہوائی اڈے پر شبانہ درجہ حرارت منفی4.0 ڈگری سینٹی گریڈ ریکارڈ ہوا ہے۔

لداخ یونین ٹریٹری کے لیہہ اور کرگل اضلاع میں کم سے کم درجہ حرارت بالترتیب منفی7.8 ڈگری سینٹی گریڈ اور منفی7.0 ڈگری سینٹی گریڈ ریکارڈ ہوا ہے۔

دریں اثنا محکمہ موسمیات کی پیش گوئی کے مطابق وادی میں 25 دسمبر تک موسم میں بڑے پیمانے پر تبدیلی کا کوئی امکان نہیں ہے۔