ہندوستانی ندیاں صرف ثقافتی ورثے کی علامت نہیں بلکہ ترقی کی شاہراہ بھی ہیں:مودی

نئی دہلی، 17 اکتوبر

وزیرِ اعظم نریندر مودی نے آج مرکزی وزیر سربانند سونووال کے تحریر کردہ ایک مضمون کو شیئر کیا، جس میں انہوں نے ازسرنو بحال کی گئی آبی گزرگاہوں کا ذکر کرتے ہوئے اپنے ویژن اوروِکست بھارت کے سلسلے میں کئے جا رہے اقدامات کو اجاگر کیا ہے ۔

مودی نے کہا کہ ہندوستانی ندیاں صرف ثقافتی ورثے کی علامت نہیں ہیں بلکہ ترقی کی شاہراہ بھی ہیں!”

مرکزی وزیرسربانند سونووال کی جانب سے ایکس پر کئے گئے ایک پوسٹ کا جواب دیتے ہوئے مودی نے لکھا کہ”ہندوستان کے دریا محض ثقافتی ورثے کی علامت نہیں ہیں، بلکہ ترقی کی شاہراہیں بھی ہیں! مرکزی وزیر جناب @sarbanandsonwal نے آبی گزرگاہوں کے سلسلے میں اپنے وژن کا اظہار کیا اور انہوں نے بتایا کس طرح وِکست بھارت کی جانب گامزن ہیں۔ یہ مضمون ضرور پڑھیں تاکہ آپ جان سکیں کہ کس طرح گزشتہ برسوں میں لاجسٹکس، سیاحت اور بنیادی ڈھانچے کو مضبوط کیا گیا ہے ۔”یو این آئی