چیف سیکرٹری نے جے اینڈ کے میں دودھ اور مٹن کی پیداوار کو بڑھانے پر زور دیا

سرینگر /9 اکتوبر

چیف سیکرٹری اتل ڈولو نے آج ایگریکلچر پروڈکشن ڈیپارٹمنٹ ( اے پی ڈی ) کی ایک اعلیٰ سطحی میٹنگ کی صدارت کی جس میں جموں و کشمیر میں دودھ اور مٹن کی پیداوار کو بڑھانے کیلئے اٹھائے جا رہے اقدامات کا جائیزہ لیا گیا ۔ انہوں نے زور دیا کہ دونوں شعبوں میں ترقی ، ویلیو ایڈیشن اور کاروباری مواقع کیلئے بے پناہ امکانات موجود ہیں ، بشرطیکہ صحیح پالیسی مداخلتوں اور مسلسل محکمانہ حمایت حاصل ہو ۔
میٹنگ میں ایڈیشنل چیف سیکرٹری ( اے سی ایس ) ایگریکلچر پروڈکشن ڈیپارٹمنٹ ، وائس چانسلر سکاسٹ جموں ، منیجنگ ڈائریکٹر ایچ اے ڈی پی ، منیجنگ ڈائریکٹر ڈیری ڈیولپمنٹ ، جموں اور کشمیر دونوں ڈویژنز کے ڈائریکٹر آف ایگریکلچر اینڈ شیپ ہسبنڈری اور محکمہ کے دیگر سینئر افسران نے شرکت کی ۔
میٹنگ کے دوران چیف سیکرٹری نے ان شعبوں میں کامیابی کی قابلِ تقلید کہانیاں بنانے کی ضرورت پر زور دیا تا کہ عوامی شرکت اور کاروباری جذبے کو فروغ دیا جا سکے ۔
انہوں نے کہا کہ یہ خطہ جو بنیادی طور پر صارف ریاست ہے ، دودھ ، مٹن اور ان کی پروسیس شدہ مصنوعات کیلئے ایک بڑی مارکیٹ پیش کرتا ہے ۔ مقامی طلب کو پورا کرنے میں بھی کمرشل توسیع اور اس کی ویلیو ایڈڈ مصنوعات کی برآمد کے مواقع کی تلاش میں وسیع امکانات موجود ہیں ۔
انہوں نے زور دیا کہ یو ٹی کو بنیادی پیکجنگ اور برانڈنگ سے آگے بڑھنا چاہئیے ۔ توجہ سائنسی پروسیسنگ اور ویلیو ایڈیشن پر ہونی چاہئیے جو زیادہ مانگ والے مصنوعات اور پائیدار روز گار فراہم کر سکیں ۔ انہوں نے مقامی کاروباری افراد سے کہا کہ وہ خطے کے ڈیری اور مویشیوں کے شعبوں کی صلاحیت کو بروئے کار لا کر منافع بخش روز گار کے مواقع تلاش کریں ۔
اجلاس سے گفتگو کرتے ہوئے اے سی ایس ، اے پی ڈی شلیندر کمار نے جموں و کشمیر میں دودھ اور مٹن کی موجودہ صورتحال اور کھپت کے رحجانات کا جامع جائیزہ پیش کیا ۔ انہوں نے بتایا کہ ڈیری مصنوعات یو ٹی بھر میں روزانہ کی خوراک کا حصہ ہیں ، جبکہ مٹن کی کھپت ملک میں سب سے زیادہ ہے جس سے مستقل مارکیٹ مانگ پیدا ہوتی ہے ۔