سرینگر جموں شاہراہ پر یک طرفہ ٹریفک جاری، گاڑیوں کو جموں سے سرینگر جانے کی اجازت

سرینگ/ 25 ستمبر

وادی کشمیر کو ملک کے باقی حصوں کے ساتھ جوڑنے والی 270 کلو میٹر طویل سری نگر – جموں قومی شاہراہ پر جمعرات کو یک طرفہ ٹریفک کی نقل و حمل جاری ہے اور چھوٹی گاڑیوں کو جموں سے سری نگر جانے کی اجازت ہے ۔

ادھر وادی کو جموں صوبے کے ساتھ جوڑنے والے مغل روڈ اور مرکزی زیر انتظام علاقہ لداخ کے ساتھ جوڑنے والی سری نگر – لیہہ شاہراہ پر ٹریفک کی دو طرفہ نقل و حمل جاری ہے ۔ٹریفک حکام نے بتایا کہ قومی شاہراہ پر ٹریفک کی یک طرفہ نقل و حمل جاری ہے اور آج یعنی جمعرات کو چھوٹی گاڑیوں کو جموں سے سرینگر جانے کی اجازت ہے ۔

انہوں نے کہا کہ کسی بھی گاڑی کو سری نگر سے جموں جانے کی اجازت نہیں ہوگی۔لوگوں سے کہا گیا ہے کہ لین ڈسپلین کا خیال رکھیں اور قومی شاہراہ پر غیر ضروری سفر کرنے سے پرہیز کریں۔حکام نے بتایا کہ مغل روڈ پر دو طرفہ ٹریفک کی نقل و حمل جاری ہے اور دونوں سے طرف سے چھوٹی گاڑیوں کو چلنے کی اجازت ہے ۔

انہوں نے کہا کہ سرینگر – لیہہ شاہراہ اور سنتھن روڈ پر بھی حسب ایڈوائزری ٹریفک کی نقل و حمل جاری ہے