آپریشن سندور نے ثابت کر دیا ہے کہ دہشت گردوں اور بھارت کے دشمنوں کیلئے کوئی محفوظ پناہ گاہ نہیں / وزیر اعظم مودی

سرینگر /27جولائی /

وزیر اعظم نریندر مودی نے کہا کہ آپریشن سندور نے دنیا کو دکھایا کہ اگر ہندوستان اس کی خودمختاری پر حملہ کرتا ہے تو کیا جواب دے گا اور یہ کہ سرحد پار فوجی کارروائی نے پورے ملک میں ایک نیا خود اعتمادی پیدا کیا ہے۔

چولا شہنشاہ راجندر چولا کے اعزاز میں ایک تقریب میں اپنے خطاب کے دوران وزیر اعظم نریند ر مودی نے کہا ”آپریشن سندور نے یہ بھی ثابت کر دیا کہ دشمنوں اور ہندوستان کو نشانہ بنانے والے دہشت گردوں کے لیے کوئی محفوظ پناہ گاہ نہیں ہے“۔انہوں نے کہا ”دنیا نے دیکھا کہ اگر کوئی اس کی سلامتی اور خودمختاری پر حملہ کرتا ہے تو بھارت کیا جواب دیتا ہے“۔

وزیر اعظم مودی نے کہا ” آپریشن سندور نے ثابت کر دیا کہ ہندوستان کے دشمنوں، دہشت گردوں کے لیے کوئی محفوظ ٹھکانہ نہیں ہے، جب میں ہیلی پیڈ سے یہاں آیا تو 3سے 4کلومیٹر کا فاصلہ اچانک روڈ شو کی شکل اختیار کر گیا، اور ہر کوئی آپریشن سندور کی تعریف کرنے لگا۔ آپریشن سندور نے پورے ملک میں ایک نئی بیداری، ایک نیا خود اعتمادی پیدا کیا ہے۔ دنیا کو ہندوستان کی طاقت کا احساس کرنا ہوگا۔ “ مودی نے مزید کہا کہ شہنشاہ راجہ راجہ چولا اور ان کے بیٹے راجندر چولا اول کے نام ہندوستان کی شناخت اور فخر کے مترادف ہیں اور اعلان کیا کہ تمل ناڈو میں ان کے لیے عظیم الشان مجسمے بنائے جائیں گے۔ انہوں نے مزید کہا کہ یہ مجسمے ’ہماری تاریخی بیداری کے جدید ستون‘ ہوں گے۔