کشمیر میں 19 اور 20 جولائی کو موسم گرم و مرطوب رہنے کا امکان

سری نگر، 19 جولائی

محکمہ موسمیات کے مطابق وادی کشمیر میں 19 اور 20 جولائی کو موسم گرم اور مرطوب رہنے کا امکان ہے تاہم اس دروان کہیں کہیں گرج چمک کے ساتھ ہلکی سے درمیانی درجے کی بارشیں متوقع ہیں۔محکمے نے اپنی ایڈائزری میں کسانوں سے کہا ہے کہ وہ اس دوران اپنے باغوں میں دوا پاشی کا کام انجام دے سکتے ہیں۔
متعلقہ محکمے کے ایک ترجمان نے بتایا کہ وادی میں 19 اور 20 جولائی کو موسم گرم اور مرطوب رہنے امکان ہے تاہم اس دروان کہیں کہیں گرج چمک کے ساتھ ہلکی سے درمیانی درجے کی بارشیں متوقع ہیں۔
انہوں نے کہا کہ 21 سے 23 جولائی تک موسم عام طور پر ابر آلود رہ سکتا ہے اور اس دوران کئی مقامات پر رک رک کر بارشوں کا امکان ہے جبکہ کچھ مقامات پر موسلا دھار بارشیں ہوسکتی ہے۔ان کا کہنا ہے کہ بعد میں 24 سے 27 جولائی تک بھی کہیں کہیں بارشوں کے مختصر مرحلوں کا امکان ہے۔
محکمے نے اپنی ایڈوائزری میں کہا ہے کہ جموں وکشمیر میں 21 سے 23 جولائی تک کچھ مقامات پر تیز بارشیں ہوسکتی ہیں اور تیز ہوائیں بھی چل سکتی ہیں جبکہ کہیں کہیں موسلا دھار بارشوں کا امکان ہے۔انہوں نے کہا کہ کچھ کمزور مقامات پر لینڈ سلائنڈنگ، مٹی کے تودے یا پتھر کھسک آنے کے ساتھ سیلابی ریلے آنے کا امکان ہے۔ایڈوائزری کے مطابق اس دوران دریائوں، ندی نالوں میں پانی کی سطح بڑھ سکتی ہے اور کہیں کہیں نشیبی علاقوں میں پانی بھی جمع ہوسکتا ہے۔کسانوں سے کہا گیا ہے کہ وہ 19 اور 20 جولائی کو اپنے باغوں میں دوا پاشی کا کام انجام دے سکتے ہیں۔