آپریشن سندور نے دنیا کو واضح پیغام دیا کہ ہندوستان پر حملہ ہوا تو نتائج بھگتنا ہوں گے/ امیت شاہ

سرینگر /17جولائی /

ملک کو محفوظ رکھنے کیلئے وزیر اعظم نریندر مودی کی ستائش کرتے ہوئے مرکزی وزیر داخلہ امیت شاہ نے کہا کہ آپریشن سندورکے ذریعے ہندوستان نے دنیا کو ایک مضبوط پیغام دیا ہے کہ اگر حملہ کیا گیا تو وہ جوابی کارروائی کرے گا۔

جے پور کے دادیا گاو¿ں میں ایک عوامی تقریب سے خطاب کرتے ہوئے امیت شاہ نے کہا”مودی جی کی قیادت میں ہندوستان دنیا کی چوتھی سب سے بڑی معیشت بن گیا ہے، اس کے علاوہ 27 کروڑ لوگوں کو غربت سے نکالا گیا ہے۔ مودی جی نے سب سے بڑا کام ملک کو محفوظ بنانا ہے۔ کانگریس کے دور میں اکثر دہشت گرد حملے ہوتے تھے۔ مودی جی نے سوری کے حملے کے بعد ایک فضائی حملہ کیا تھا“ ۔

انہوں نے کہا کہ پہلگام حملے کے بعد آپریشن سندور نے دنیا کو سخت پیغام دیا ہے کہ اگر ہندوستان پر حملہ ہوا تو اس کے نتائج برآمد ہوں گے۔انہوں نے گزشتہ 11 سالوں میں این ڈی اے حکومت کی کامیابیوں کو نوٹ کیا، بشمول ملک بھر میں 60 کروڑ غریبوں کو مکانات، بیت الخلا، گیس، بجلی اور مفت راشن فراہم کرنا۔امیت شاہ نے کہا ”راجستھان گلوبل انویسٹرس سمٹ کے دوران 35 لاکھ کروڑ روپے کے مفاہمت ناموں پر دستخط کیے گئے۔ پچھلے 11 سالوں میں مودی حکومت نے ملک بھر میں 60 کروڑ غریبوں کو گھر، بیت الخلا، گیس، بجلی اور مفت راشن فراہم کیا ہے۔